Ad’u Tinda 42:6 - Bible azumeina

⁶ Josef ni sama yam andaga d’a Ezipte-d’a aboma, mi nga mi gus awuna woi abo suma ding suma a mba kur ambas ndatina. Josef b’oziyoma a mba go, a grif kä avoromu, a tchok yazi kä andaga.

Ad’u Tinda 42:6 Referans Kwoze

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.

Sunda hi suma a sunuzinid’a 7:10

mi pad’am mbei kur ndak mamba pet. Mi mbud’um sama djivi ma ned’a avok Faron amul ma Ezipte-na. Faron mi tinim á te yam Ezipte kaziyam pet mi.

Ad’u Tinda 45:26

Azi dum ala: Josef nga ki iramu! Mam tamba ni ma te yamba kur ambas sa Ezipte-d’a pet! Wani Jakob mi hle nga tam b’enek ki, kayam mi he nga gagazid’a yam zla mazid’a d’i.

Ad’u Tinda 45:8

Ni agi ba, sununï ka hî d’i, wani nAlona ba, mi mbud’un ma sun ma ngolâ hi Faron-na, mi tinin á te yam suma avo hatama, á te yam Ezipte-na pet mi.

Ad’u Tinda 44:14

Juda ki b’oziyoma a mbaza avo hi Josef, mi nga avo tua. Azi grif kä andaga avoromu.

Ad’u Tinda 19:1

Ki fladeged’a malaika suma mbà ndazina a mba Sodom. Lot mi nga kaka kä avun azì ma Sodom-ma. Kid’a mi wazid’a, mi tchol mi d’uguloziya, mi grif kä, mi tchok yam kä andaga avoroziya,

Ad’u Tinda 18:2

Ata yi máma na wat, mi we suma hindi a nga tchola go ki sed’emu, mi tcholï ringâ avun zlub’u mamba atogo zak, mi ngavaziya, mi grif kä andaga avoroziya,

Ad’u Tinda 33:3

Mam tamba mi kal avoroziya, mi grif kä, andaga grigrif yam kid’iziya tua ba, mi fe wiyema.

Ad’u Tinda 41:43

Faron mi tinim kur pusâ hakulumei mam ma mbàna, suma a nga ring avoroma a nga er ad’uzi akulo ala: Agi aragi lovota! Agi aragi lovota! Ni hina ba, Faron mi tin Josef ngola yam ambas sa Ezipte-d’a pet.

Ad’u Tinda 48:12

Josef mi yozi woi aduk abumu, mi grif kä andaga avoromu.

1 Samuel 20:41

Kid’a gogorâ mi id’a, David mi tcholï iram abo ma sutna, mi tchok yam kä andaga, mi grif kä gigrif yam hindi. Azi ki banama djak a bet tazi kok, a nde tchina; sama tchi ngolina ni David.

Zla d’a d’ogolâ 11:26

Sama nga mi d’el awu mama bei gusina, suma a mba gum vuna, wani sama nga mi gus awu mama woina, suma a mba b’e vunazi kam mi.

Isai 60:14

Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Ad’u Tinda 41:54

Ata yi máma, baktara d’a biza d’a kid’iziyad’a tin ad’ud’a á led’a d’igi Josef mi de na. Baktarad’a ti nde yam andagad’a pepet, wani yam ambas sa Ezipte-d’a tena nga kua.

Ad’u Tinda 41:57

Suma yam ambas sa lara ge pet a nga mbeï Ezipte á gus awuna abo Josef, kayam baktarad’a nde yam andagad’a pepet.