Ad’u Tinda 42:38 - Bible azumeina

³⁸ Jakob mi hulong dum ala: Hawa yak! Gorona nga mi i ki sed’egi d’i! Wiyema mit teyo, mam arî vam tu. Le vama tcho mbaza kam glovot kur tit magid’a ni, agi mba kalan azulei kä ki mamaran ni ki yor tad’a.

Ad’u Tinda 42:38 Referans Kwoze

Ad’u Tinda 37:35

Ata yima grom suma andjofâ ki suma aropma pet a mba á hal á b’lengêm huruma, mam min nga d’i, mi dala: An mba ni i gen gorona azulei kä ni ki yor tad’a; nga mi tchi hora goroma.

Ad’u Tinda 42:4

Wani Jakob mi ar nga Josef wiyema Benjamin á i ki sed’ezi d’i, kayam mam nga ki mandarâ ala va mba mi lumu.

Ad’u Tinda 37:33

Jakob mi wattcha, mi nde tchina, mi dala: Ni barud’a hi goronid’a! Ambur ma tchona mi kizagam wa woyo, mi mud’um wa.

Ad’u Tinda 42:13

Azi hulong dum ala: Ami azungeî mangâ ni dogo yam mbà, ni b’oziyo tamiya, sama tuna groma kur ambas sa Kanan-nda. Ma gorâ sä avo ini kabumiya, ma tuna mi ba woyo.

Isai 46:4

Gak agi mbud’ugi momorogeid’a an nga ni na. An mba ni ndjunugi gak yagi d’i ndeî abusa, an mba ni zigiya, an mba ni hulong zigi kua, an mba ni ndjunugiya, an mba ni sud’ugi mi.

Isai 38:10

An de kurun ala: An ar go á matna, djivid’a an ni iya. An nga ni i avun agrek ma azuleina, an dok dap vun biza man nda ara d’uo d’a.

Ma tchi wala 2:26

Sama mi le Alona tam djivid’ina, Alona nga mi hum ned’a, wed’a ki furîd’a. Wani sama tchona Alona nga mi aram lovota á tok ahlena, mi moloziya, kayam mam hazi woi mi sama mi lum tam djivid’ina. Wan pî, ni hawa hina yak d’igi sana mi dik simetna na!

Ma tchi wala 1:14

An gol sun nda a nga lat yam andagad’a ka hid’a pet. An gol ni sun nda hawa yaka, ni d’igi sana mi dik simetna na mi.

Sawal la giled’a 90:10

Bizami ni dok kid’iziya, suma ad’engâ, mazid’a ni dok klavandi mi. Hina pet pî, sun mat ta led’a ni ndaka ki hohoud’a; nga d’i kal lei atogo; ami nga bomi mi.

Sawal la giled’a 71:18

Alo mana, an djeng wa mamara, yan deî wa abusa, ang aran dei d’i tala an tak ad’eng manga mi suma kur atchogoi d’a wanda, an tak sib’ik manga mi suma kur atchogoi d’a nga d’i mbad’a mi d’a.

1 Amuleina 2:6

Kayam ndata, ang gol tang djivi ki ne manga; aram mi mit mat ma zlatna d’i.

Ad’u Tinda 44:20

Ami hulong dang ala: Abumi ma mamarâ nga, wiyemi ma gor ma mam vud’um ki mamarama nga mi. Abumi mi le kam heî, kayam mam arî abo asum vam tu; wiyem ma mbàna mi mid’a.

Ad’u Tinda 37:34

Jakob mi haû baru ma atama woyo, mi djin ziyona furumu, mi tchi goroma burâ ngola.

Ad’u Tinda 42:37

Ruben mi de mabum ala: Le an mbang nga Benjamin d’uo ni, ang tchi gron suma mbàna. Ang handji abonu, an mba ni hulongôngziya.

Ad’u Tinda 43:13

Ki tchetchemba, agi vagi wiyegina, agi hulongôgi gen sa máma.

Ad’u Tinda 44:22

Ami dang ang salamina ala: Gor máma mi ndak á wal kabum mbi. Le mi wal kabumu ni, abum mba mi mid’a.