Ad’u Tinda 42:24 - Bible azumeina

²⁴ Josef mi hut tei gumun nde, mi nde tchina. Kid’a Josef mi hulongî gevezid’a, mi dazi zlad’a, mi ve Simeon adigaziya, mi djinim kä iraziya.

Ad’u Tinda 42:24 Referans Kwoze

Ad’u Tinda 43:30

Ata yima Josef mi we wiyemina, hurum hat heî, iram nde ka simina, mi ndabu atogo zak, mi kal kur gong mam mba burâ, mi nde tchina.

Hebre-na 4:15

Kayam ngol mei ma ngat buzu máma ni ma ndak á hat hurum yam amangeî meid’a d’uo na d’i, kayam a kugum kur ahlena pet d’igi ei na, wani mi le nga tcho d’i.

1 Korente-na 12:26

Le ir hliu ta d’a tud’a nga kur ndaka ni, suma wana pet a nga ni kur ndaka ki sed’et mi. Le ir hliu ta d’a tud’a a nga suburud’u ni, suma wana pet a nga le furîd’a zlapa ki sed’et mi.

Romê-na 12:15

Ar agi lagi furîd’a ki suma a nga le furîd’ina. Ar agi tchigi ki suma a nga tchina mi.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Ad’u Tinda 43:23

Azong máma mi hulong dazi ala: Agi djib’eregi va d’i, agi kagagi iragi sik; Alo magina, Alona habugina, mi tchugugi beged’a kur bud’omei magina ni mam kla. An fe wa bege magid’a. Mi gazi Simeon akulo.

Ad’u Tinda 43:14

Ar Alo ma ad’engêm kal petna mi le sunda, ar sa máma mi wagi hohowogiya, mi ar Benjamin azi ki Simeon a hulongî ki sed’egiya. Le an ka’î bei grona pî ni, an kak digan wüd’a.

Ad’u Tinda 34:25

Wani kur bur ma hindina a nga tchi abo tazid’a ted’a, Jakob groma Simeon azi ki Levi, Dina b’oziyotna, a yo mbuguyo suma fuyogeina aboziya, a i hur azina d’igi azi tit ni hawa na, a tchi andjuvei suma hur azinina woi pet,

Ad’u Tinda 42:23

Azi we nga d’ala Josef nga mi hum vun mazinä d’a d’i, kayam azi djok vuna ni djoga aduk taziya.

Ad’u Tinda 45:1

Josef mi ndak á ve tam avok suma pet suma a nga ki sed’ema d’i, mi de ki delem akulo ala: Ar suma pet a buzuk keyo! Ata yima sa tu nga gevem mbuo na, mi tak tam mi b’oziyoma.

Ad’u Tinda 45:2

Mi nde tchina ki delem akulo; Ezipte-na a hum tchi máma, zla tchi máma mi i gak avo hi Faron.