Ad’u Tinda 42:13 - Bible azumeina

¹³ Azi hulong dum ala: Ami azungeî mangâ ni dogo yam mbà, ni b’oziyo tamiya, sama tuna groma kur ambas sa Kanan-nda. Ma gorâ sä avo ini kabumiya, ma tuna mi ba woyo.

Ad’u Tinda 42:13 Referans Kwoze

Ad’u Tinda 37:30

mi hulongî gen b’oziyoma, mi dazi ala: Gor máma nga d’i; an le ni nana ge?

Ad’u Tinda 44:20

Ami hulong dang ala: Abumi ma mamarâ nga, wiyemi ma gor ma mam vud’um ki mamarama nga mi. Abumi mi le kam heî, kayam mam arî abo asum vam tu; wiyem ma mbàna mi mid’a.

Ad’u Tinda 42:32

Ami b’oziyo tami ni dogo yam mbà, ni sama tuna groma; ma tuna mi ba woyo, ma gorâ sä avo Kanan ini kabumiya.

Ad’u Tinda 43:7

Azi hulong dum ala: Sa máma mi djobomi zlad’a ngola yam ami kandjavei mi. Mi djobomi ala: Abugi nga ki iram tua zu? Wiyegi ma ding nga zu? Ami hulongôm zla d’a ded’a ni yam djop mamba hol. Ami wami nga d’ala mam mba mi dami ini ala: Agi mbagï ki wiyegina d’a d’i.

Matiye 2:18

A hum dela avo Rama. Suma a nga tchi tchi ma hohoud’a ngola. Rachel nga d’i tchi yam grotna, ti min b’leng hur ma suma a b’lengêt tchina d’i, kayam grotna a mid’a d’a.

Matiye 2:16

Ata yima Herot mi wala suma ned’a a lobomî loba na, hurum zal ngola. Mi tchuk sunda á tchi gro andjof suma Betelehem-ma ki suma kur ambas sa nguyuta pet suma bizazi mbàmbàna ki suma bizazi ndak nga mbàmbà d’uo na woyo, ndak yam bur ma suma ned’a a dum yam tchitchiud’ina.

Hor ma tchina 5:7

Abuyomi a le tchod’a, wani azi nga d’i. Ni ami ba, nga zimi aneka hi tcho mazid’id’a.

Jeremi 31:15

Ma didina mi dala: A hum dela avo Rama. Ni hor ma tchina, ni tchi ma hat hurâ mi. Rachel nga d’i tchi yam grotna, ti noî b’leng hur ma suma a b’lengêt tchina yam grotna, kayam a bo da’.

Ad’u Tinda 45:26

Azi dum ala: Josef nga ki iramu! Mam tamba ni ma te yamba kur ambas sa Ezipte-d’a pet! Wani Jakob mi hle nga tam b’enek ki, kayam mi he nga gagazid’a yam zla mazid’a d’i.

Ad’u Tinda 44:28

Ma hina mi ba woyo; an djib’er ala ambur ma ayîna mi vum wa, kayam an wum nga d’uo gak ini.

Ad’u Tinda 42:38

Jakob mi hulong dum ala: Hawa yak! Gorona nga mi i ki sed’egi d’i! Wiyema mit teyo, mam arî vam tu. Le vama tcho mbaza kam glovot kur tit magid’a ni, agi mba kalan azulei kä ki mamaran ni ki yor tad’a.

Ad’u Tinda 42:36

Jakob mi dazi ala: Agi ban ndi grona woi mbà; Josef nga d’i, Simeon nga d’i. Agi min vagi Benjamin kua; ndak ndata pet mba ni kanu.

Ad’u Tinda 42:11

Ami pet ni sama tuna groma, ami ni suma iratna, ami azungeî mangâ nga ni suma d’u yina d’i.

Ad’u Tinda 42:12

Josef mi dazi ala: Hawa yak! Agi mbagi ná gol suma yam ambasina fed’eziya.

Ad’u Tinda 42:14

Josef mi dazi kua ala: Ni d’igi an dagi ka hina; agi ni suma d’u yina.

Ad’u Tinda 43:29

Josef mi hle iram akulo, mi we wiyem ma asuma Benjamin, mi djobozi ala: Ni wiyegi ma gor ma agi dan fata kam máma zu? Mi de mi Benjamin ala: Gorona, Alona mi ndjunungû!