Ad’u Tinda 41:46 - Bible azumeina

⁴⁶ Ata yima Josef mi tchol avok Faron-na, bizamî dok hindi. Josef mi nde woi gen Faron, mi tit yam ambas sa Ezipte-d’a pet.

Ad’u Tinda 41:46 Referans Kwoze

Daniel 1:19

Amulâ mi yo siretna ki sed’eziya. Wani adigazi pet azong ma ding ma ndak d’igi Daniel ki Hananiya ki Misayel ki Azariya na na nga d’i. Kayam ndata, mi tinizi á lum sunda.

1 Amuleina 12:6

Robowam mi djop suma nglo suma a kak kabum Salomon kid’a mi nga ki iram tua d’ina ala: Agi dandiya! An i ni de mi sum ndazina nana ge?

2 Samuel 5:4

Kid’a David mi tamulid’a, bizamî dok hindi; mi tamula bizad’a dok fid’i.

1 Samuel 16:21

David mi mba avo hi Saul, mi kal kur sun mamba. Saul tam mbi lum djivid’a heî kamu, mi mbud’um sama mi zim ahle mam suma dur ayînina.

Ndumba 4:3

suma bizazi dok hindi dok hindina ki suma bizazi kal dok hindi dok hindi gak mba ata biza d’a dok vahlina, suma pet suma a ndak á le sunda kur zlub’u d’a ngaf tad’ina.

Ad’u Tinda 37:2

Wana ni zla d’a ded’a yam Jakob ki gromid’a: Kid’a Josef bizamî dogo yam kid’iziyad’a, nga mi pol tumiyôna ki b’oziyoma, Bilha azi ki Zilpa aropma habuma grozina. Nga mi mba ki zla mazi d’a tchod’a mabumu.

Jude 1:24

Mam ma ndak á ngomogi tala agi pugugi kä d’uo na, mba mi buzugugi woi avorom kur subur mamba bei zla d’a kagi ba ki furîd’a.

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

Wana ni Zla d’a Djivi d’a Luc mi b’irita 3:23

Ata yima Jesus mi tin ad’u le sun mambina, bizamî go ki dok hindi. Suma a nga djib’er ala ni Josef ma Heli goromina goroma,

Zla d’a d’ogolâ 22:29

Ang we sama d’alâ kur sun mam mba led’a d’uo zu? Mam mba mi tcholî avok amuleina, mba mi tchol avok suma hawa ya’â d’i.

1 Amuleina 12:8

Wani amulâ mi ar d’al ma suma nglona a dumzina woi ta, mi i djop nazungeî suma a nga kaka gevem suma mam wul ki sed’ezina.

Ad’u Tinda 41:47

Kur bizad’a kid’iziya tena zul ngola yam ambasa.

Ad’u Tinda 42:8

Josef mi we b’oziyoma tchä, wani azi wum nga d’i.

Ad’u Tinda 45:6

Gola! Baktarad’a ti le bizad’a woi yam andagad’a ni mbà da’, wani ar bizad’a vahl, sa mba mi zum mbi, sa mba mi dut tuo mi.

Daniel 1:4

Nala, azungeî suma bei daka ba na, suma djif suma oîd’a ki ned’a ki wed’a ki wad’ud’ina, suma a ndak á le sunda kur gong nga amula, suma a ndak á hat vun Babilon-na ki lovot ta b’irimba mi na.