Ad’u Tinda 41:1 - Bible azumeina

¹ Wani kur dabid’a hi biza d’a mbà d’a Josef mi väd’u adïd’a mazong mamid’a, Faron adïd’a dum ala: Mam nga tchola avun alum ma Nil-lâ.

Ad’u Tinda 41:1 Referans Kwoze

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Ezekiyel 29:9

Ambas sa Ezipte-d’a mba d’i ar djona, mba d’i b’lak keyo. Suma a mba wala an ni Ma didina. Kayam ang dala: Alum ma Nil-lâ ni mana, ni an ba ni lumu,

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Isai 19:5

Alum ma ngolâ mba mi sid’ama, aluma mba mi so woi gangras.

Ester 6:1

Kur andjege ndata amulâ mi bur nga sen ndi, mi dazi ala a hlumï mbaktum mba de zlad’a yam sunda hamuleinid’a, a ndumut tei avoromu.

Gat ta a hat á mbàd’id’a 11:10

Moise mi de kua ala: Kayam ambas sa agi i hlagizi wanda, ti nga ni d’igi ambas sa Ezipte d’a agi buzugugï woi kat ta agi zaragi awuna kua agi vogi mbina ad’um d’igi suma a zum asinena a vo mbina ad’uma na d’i.

Buzuk ka Abud’a 4:9

Le a he nga gagazid’a kang nguo, le a hum nga zla manga yam ahle suma simat suma mbà ndazina d’uo mi ni, ang gul mbiyo ma kur alumina, ang vom kä yam andagad’a; mbiyo ma ang gulumî kur aluma máma mba mi mbut buzuna.

Buzuk ka Abud’a 1:22

Wani Faron mi he vuna mi sum mama ala: Agi tchugugi gro andjof suma Hebre suma a vut awilina woi pet kur aluma. Wani agi tchugugi gro aropma woi aduk aluma d’i.

Ad’u Tinda 40:5

Kur andjege d’a dinga tu, suma mbà ndazina, adïd’a dazi kur dangei mazina, adï d’a lara pî kad’u mata ved’a.

Ad’u Tinda 31:21

Mi i kahle mama pet, mi i mi djak alum ma Efrat-na, mi i iram yam ahuniyô suma Galät-na.

Ad’u Tinda 29:14

Laban mi de mi Jakob ala: Gagazi, angî aruwad’ana, angî hliwinu. Jakob mi kak avo hi Laban tilâ sop.

Ad’u Tinda 20:3

Wani Alona mba mi de mi Abimelek adïd’a andjege ala: Ang mba mit kayam atcha d’a ang vata, kayam ndat natchad’a hi sanid’a.

Ad’u Tinda 28:12

Adïd’a nga d’i dumu, mi wägu ma djak kakulona mi nga tinda kä yam andagad’a gak yam mbi do hur alona. Malaikana hAlonina a nga djaga akulo, a nga hulongî kä ata agu máma.

Ad’u Tinda 40:23

Wani ma ngolâ hi suma a he süma mamulîna, mi mar yam Josef, mi djib’er nga kam mbi.

Ad’u Tinda 41:2

Mi wamuzlei suma arop suma djivi suma d’orâ kid’iziya a buzugï woi kur aluma, a nga te hatna kel mbina.