Ad’u Tinda 39:21 - Bible azumeina

²¹ Wani Ma didina mi nga ki Josef, mi tagam djivi mamba, mi mbud’um djivid’a ir ma ngol ma ngom dangeina.

Ad’u Tinda 39:21 Referans Kwoze

Buzuk ka Abud’a 3:21

An mba ni mbud’ugi djivid’a ir Ezipte-na. Fata agi mba igid’a, agi mba igi abogi hawa d’i.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

1 Pierre 3:17

Djivid’a, le agi nga fagi ndaka yam sun nda djivid’a ni, ndata ni minda hAlonid’a, kal la agi fagi ndaka yam tchod’id’a.

Daniel 1:9

Yam ad’enga hAlonid’a, ma ngolâ hazungeîna hamulîna mi hum tchenda hi Daniel-la ki minda ki we hohoud’a.

Buzuk ka Abud’a 12:36

Ma didina mi mbut Israel-lâ djivid’a ir Ezipte-na. Azi hazi ahle suma azi tchenezi kazina; ni hina ba, a yo ahlena hi Ezipte-na.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Sawal la giled’a 105:19

gak bur ma zla mamba nda’â, gak zlad’a hi Ma didinid’a tak kei kam ala zla nga kam mbi.

Buzuk ka Abud’a 11:3

Ma didina mi mbut Israel-lâ djivid’a ir Ezipte-na. Moise tamba mi mbut ni sama suma Ezipte-na kazungeîna hi Faron-na ki suma pet a hum ngolina.

Ad’u Tinda 39:2

Ma didina mi nga ki Josef; sun nda mam nga mi lata pet, nga d’i labom djivid’a. Mi nga avo hi salam ma Ezipte-na.

Ad’u Tinda 21:22

Kur atchogoi ndata, Abimelek ki Pikol ma ngolâ hi azigar mamina a mba gen Abraham, a dum ala: Ahle suma ang nga lazina pet, Alona mi nga ki sed’engû.

Zla d’a d’ogolâ 16:7

Le Ma didina hurum ve tita hi sanid’a ni, mam suma djangûna pî, mba mi zlabam darigïd’a ki sed’eziya.

Ad’u Tinda 40:3

mi yozi mi tchuguzi kur gonga hi ma ngol ma ngom dangeina hamulîna ata yima Josef mi nga kuana.

Romê-na 8:37

Wani ei kuzi yam ahle ndazina pet ni kayam mam ma mi le od’a keina.

Daniel 6:22

Gagazi, Alo mana mi sunï malaika mama á duk vun azlona! Mi lan nga vama tcho d’i, kayam an le nga vama tcho avorom mbi, an le nga vama tcho avorong ang nguo mi.

Sawal la giled’a 106:46

Mi zut suma a yozi magombina pet á wazi hohowoziya.

Sawal la giled’a 105:22

á ngop mam suma nglona kur min mamba, á had’azi ned’a mi.

Ad’u Tinda 39:3

Salama Potifar mi wala Ma didina mi nga ki Josef, kayam ahle suma mi lazina pet, a nga le djivid’a abomu.

Ad’u Tinda 39:4

Josef mi mbut djivid’a ir salama kur sun mamba, mi tinim ngola yam suma avo hatama, mi hum ahle mama pet abomu.