Ad’u Tinda 39:2 - Bible azumeina

² Ma didina mi nga ki Josef; sun nda mam nga mi lata pet, nga d’i labom djivid’a. Mi nga avo hi salam ma Ezipte-na.

Ad’u Tinda 39:2 Referans Kwoze

1 Samuel 18:14

David sun mam mba nga mi lata nga d’i labom djivid’a, Ma didina mi nga ki sed’em mi.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Jeremi 15:20

Ma didina mi de kua ala: An mba ni mbud’ungî d’igi gulumun ma kawei ma hleu ma ad’eng ma ngunguna na avoroziya. Azi mba durung ayîna, azi mba lang va d’i, kayam an nga ki sed’eng á sud’ungû, á prud’ung ngei mi.

Ad’u Tinda 26:28

Azi hulong dum ala: Ami wami tetet ala Ma didina mi nga ki sed’engû. Ni kayam ndata, ami min ala ei guni tei aduk teya, ei djini vuneya.

Ad’u Tinda 21:22

Kur atchogoi ndata, Abimelek ki Pikol ma ngolâ hi azigar mamina a mba gen Abraham, a dum ala: Ahle suma ang nga lazina pet, Alona mi nga ki sed’engû.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Ad’u Tinda 26:24

Ma didina mi nde tam mbei iram kur andjege ndata, mi dum ala: An nAlona habung Abraham-ma; ang le mandar ri, kayam an nga ki sed’engû. An mba ni b’e vunan kangû, an mba ni zulung andjavang ngola yam azong mana Abraham.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 46:7

Andjaf suma a nga siwela, leud’a nga d’i giget teteng mi. Ata yima Alona mi de zlad’ina, andagad’a ti lau woi d’igi mbina na.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

1 Samuel 3:19

Samuel mi djengâ; Ma didina mi nga ki sed’emu, mi ndak vun zla mam mba Samuel mi data pet; d’a ar bei le sundid’a nga d’i.

1 Samuel 18:28

Saul mi gol na, mi wala Ma didina mi nga ki David; goromba Mikal hurut vum mi.

1 Timote 6:1

Ar suma a nga kur magombina pet a ge yazi kä avok suliyozina d’igi suma ndak á hud’ina na, kayam azi ngul simiyê Alona ki hat meid’a d’i.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Sunda hi suma a sunuzinid’a 8:31

Mi hulong dum ala: An we ni nana bei sana tagandji ge? Mi de mi Filip ala mi djak akulo mi kak ki sed’em kur pusâ.

Ad’u Tinda 21:20

Bugola, Alona mi ngom Ismael; mi djeng sana, mi kak abagei hur fulâ, mi mbut ni sama nduwanda ki yeûd’a,

Ad’u Tinda 39:3

Salama Potifar mi wala Ma didina mi nga ki Josef, kayam ahle suma mi lazina pet, a nga le djivid’a abomu.

Ad’u Tinda 39:23

Ma ngol máma nga mi djib’er yam ahle suma mi hazi abo Josef-fâ d’uo d’a. Kayam Ma didina mi nga ki Josef, ahle suma mi lazina pet nga mi faziya.

Josue 6:27

Ma didina mi nga ki Josue. Ni kayam ndata ba, simiyêm mi nde yina yam ambasa pet wana.

2 Amuleina 18:7

Ma didina mi nga zlapa ki sed’emu. Ahle suma mam lazina pet, mi faziya. Mi tchol huneîd’a kamul ma Asiri-na, mi ge nga yam kä ad’um mbuo d’a.

Josue 1:5

Ata yima ang nga ki irang yam andagad’ina, sama mba mi tchol avorongâ nga d’i, kayam an nga ki sed’eng d’igi an nga ki Moise adjeu na. An mba ni arang vang ngi, an mba ni arang ngei d’uo mi.

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

1 Sunda Hamuleinid’a 9:20

Fines Elazar goroma ni ma avogozi adjeuna, kayam Ma didina mi nga ki sed’emu.

2 Sunda Hamuleinid’a 1:1

Salomon David goroma nga mi sira leu mamba. Ma didina Alo mama mi nga ki sed’emu, mi hlum yam akulo avok suma pet.