Ad’u Tinda 39:10 - Bible azumeina

¹⁰ Wani ki burâ pet ndat nga d’i dum ala mi bur ki sed’ed’u, wani mi min bur ki sed’et ti.

Ad’u Tinda 39:10 Referans Kwoze

Ad’u Tinda 39:8

Josef mi hulong dat ala: An min ndi. Salana mi han ahle mama pet abonu, vama ar rei hawa hur aziyam ma bei mi handji abona nga d’i.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.

2 Timote 2:22

Ang wal lei ki d’od’ok ka tetenga hazungeînid’a. Ar ang hal d’ingêra ki he gagazid’a ki od’a ki b’leng nga halasa zlapa ki suma a nga yi Salad’a ki hur ma tunina.

1 Tasaloni’â 5:22

Agi walagi woi dei ki tcho d’a lara ge pet.

1 Korente-na 15:33

Agi lobogi tagi d’i: Le sama djivina mi tit ki sama tchona ni, mba mi b’lagamu.

1 Korente-na 6:18

Ar agi walagi woi ki mizeuna. Tcho d’a pet ta sana nga mi lata, tin ni woi abu atam pid’agï, wani sama nga mi le mizeunina mi le ni tam tchod’a.

Zla d’a d’ogolâ 23:27

Atcha d’a gaulangâ ni zul la yiyika, atchad’a hi sama dingîd’a ni golong nga mbed’eta.

Zla d’a d’ogolâ 22:14

Atcha d’a gaulangâ, vunat ni zul la yiyika. Sama Ma didina hurum zal kama, mba mi nde kä kuru.

Zla d’a d’ogolâ 7:5

Hina wani, a mba ngomong ngei abo atcha d’a gaulangâ, abo d’a ding nga vunat mbulâ á lop vun sumid’a mi.

Zla d’a d’ogolâ 5:8

Ang d’es sei kur lovot mata, ang tchila avun aziyat

Zla d’a d’ogolâ 5:3

Atcha d’a gaulangâ vunat madjib’eta d’igi mbul ayuma na, zla mat ta ded’a ti tugung tang kal mbulâ.

Zla d’a d’ogolâ 2:16

Ned’a mba d’i prud’ung ngei abo atcha d’a gaulangâ, abo atcha d’a ding nga vunat mbulâ

Zla d’a d’ogolâ 1:15

gorona, ang tit zlapa ki sum ndazina kur lovot ta tud’a d’i. Ang hle lovot ta azi hlata d’i.

Zla d’a d’ogolâ 9:16

Ar sama lara ma bei wäd’u zlad’a ba na mi mbeï ka hî. Nga d’i de mi ma lilid’a ala:

Zla d’a d’ogolâ 9:14

Ti nga kak kä avun aziyat yam zlamba yam yima nding ma hur azì ma ngolâ

Zla d’a d’ogolâ 7:13

Ti vumu, ti sobom vunamu, ti dum zlad’a bei zulona ba ala:

1 Timote 5:14

Kayam ndata, an min ala arop suma modono suma awâna a vik andjofâ, a vut grona, a ngom aziyazi mi, kayam a ar lovota mi mei suma djangûna á de zla d’a tchod’a kei d’i.

Ad’u Tinda 39:9

Sama ding ma kad’enga yam azì ma wana kalana nga d’i, vama mam d’elen kam tu pî nga d’i; ni ndak hol, kayam nda’î amamba. Mina ni nana ba, an dok ni le sun nda tcho d’a ngola avok Alona na ge?

Ad’u Tinda 39:11

Wani bur tu Josef mi kal avo á le sun mamba; sama ding nga avo d’i.

Zla d’a d’ogolâ 23:28

A nga bur suma kä d’igi suma kul suma tchi matna na, a nga zul suma mbut ira aduk suma mi.