Ad’u Tinda 38:9 - Bible azumeina

⁹ Wani Onan mi wala andjaf máma nga ni mama d’uo. Ni kayam ndata ba, ata yima lara ma mi zlap katchad’a hi wiyemid’ina, mi ar sumurum ti vo kä woi andaga, kayam mi min djok andjaf wiyema d’i.

Ad’u Tinda 38:9 Referans Kwoze

Jacques 4:5

Ata yima mbaktumba hAlonid’a ti dala: Alona nga mi le yungôra yam muzuk ma mi heizi kurina na, agi djib’eregi ala ni hawa zu?

Jacques 3:16

Wani ata yima yungôr ma tchona ki huneîd’a a nga kuana, batranga kandjaf tcho d’a tetenga a nga kua mi.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Jacques 3:14

Wani le yungôr ma tchona ki huneîd’a a nga kurugiya ni, ar agi suburugi tagi yam gagazid’a d’i, agi kagi zlad’a kat tuo mi.

Zla d’a d’ogolâ 27:4

Hur ma zala ni vama tchona, ayîna mi ni d’igi babar ma ngolâ na, wani yungôrâ, sa mi kus kam ni nge ge?

Wana ni mbaktumba hi Job-pa 5:2

Hur ma zala nga mi tchi sama yam nga kam mbuo na woyo, ayîna nga mi tchi sama lilid’a woi mi.

Wana ni mbaktum mba a b’irit yam Rut-ta 4:10

An nga ni ve Rut ta Mowap pa atchad’a hi Malon-nda kayam blangâm sil lei d’i, kayam andjavam mi i avogovok aduk sum mama, ata yima a min zlad’a kua na mi. Agi ni glangâs mana mi.

Gat ta a hat á mbàd’id’a 25:6

Gorot ma ti mba d’i vud’umzi avo’â a ndumum d’igi gorâ hi wiyem ma mitna na, kayambala simiyêm mi silei aduk Israel-lâ d’uo d’a.

Wana ni mbaktum mba a b’irit yam Rut-ta 1:11

Naomi ti hulong dazi ala: Akuniyôna, agi hulongôgi avo hatagiya; ni kayam me ba, agi igi ki sed’en nge? An ndak á vut gro suma a mba vigigina d’ei zu?

Ad’u Tinda 38:10

Vama mi luma mi le nga Ma didina tam djivi d’i; mi tchum mbei mi.

Gat ta a hat á mbàd’id’a 25:5

Moise mi de kua ala: Le b’oziyod’a mbà a nga kaka ata yima tuna, le ma tuna mi mit bei vut gorâ ni, amamba ti ve sama ding ngi. Wani ndjuvut wiyema mi kal ad’ut mi vat djona.