Ad’u Tinda 38:26 - Bible azumeina

²⁶ Juda mi waziya, mi dala: Ndat ti d’ingêr kalan anu, kayam an hat nga mi gorona Sela d’i. Bugola, mam dok zlap nga ki sed’et ti.

Ad’u Tinda 38:26 Referans Kwoze

1 Samuel 24:17

Ata yima David vunam dap zla d’a ded’a mi Saul dapma, Saul mi dala: Gorona David, gagazi ni deleng zu? Saul mi nde tchina ki delem akulo.

Jean 8:9

Kid’a azi hum hina d’a, azi pet a buzuk kei tutu, tin ad’ud’a ata suma nglona gak mba yam ma danan kisâ, a ar Jesus vam tu katcha ndata tchola avoromu.

Romê-na 13:12

Andjeged’a ti ar wa go á kala, yina mi ar wa go á fod’a. Kayam ndata, ei arei sunda hi nduvundid’a woyo, ar ei tchugi ahle suma dur ayîna atei á duri ayîna kur b’od’a.

Romê-na 3:19

Ei wei ala ahlena pet suma gata ti dazina, ti de ni mi suma a nga ge yazi kä ad’utna, kayam suma a mal vunazi d’i, kayam suma kur duniyad’ina pet a wala azi nga nad’u sariyad’a hAlonid’a mi.

Matiye 3:8

Agi lagi ni sun nda memeta á tak kei ala agi mbud’ugi wa hurugiya d’a.

Habakuk 1:13

Ang irangî bei tchod’a ba nga d’i min gol tchod’a d’i, ang ndak á gol sama djop vun suma d’uo mi. Ni kayam me ba, ang nga gol suma mbut ira hina tä ge? Ni kayam me ba, ang kak hina tchugot ata yima sama tchona nga mi le sama kalam ki d’ingêrina ndakina ge?

Ezekiyel 16:52

Ndak ka ka sariyad’a adjeu yam b’oziyok suma aropmid’a, ki tchetchemba, ndak ve tak kur zulo ma’â, kayam tcho mak ka ndak lata ti mbud’uk ndjendjed’a kalaziya. Ata sun mak ka led’a, ndak tak kei ala azi narop suma d’ingêrâ kalagu. Ndak kak kur zulo ma’â, ndak ve tak kur zulo ma’â mi, kayam ndak mbut b’oziyok suma aropma d’igi azi narop suma d’ingêrâ na!

Wana ni mbaktumba hi Job-pa 40:5

Le ni na ni, ang min tang ki subura ki hud’a, ang tchuk wiled’a ki ngola atang mi.

Wana ni mbaktumba hi Job-pa 4:5

Ki tchetchemba, ndaka mba kang ang wana, ang mbut amangeîd’a wana! Ki tchetchemba, ti dongû, ang nde tchatata!

2 Samuel 24:17

Ata yima David mi we malaika ma nga mi tchi sumina, mi de mi Ma didina ala: Gola! Ni an ba ni le tchod’a! Ni an ba ni so vuna! Wani sum ndazina a le ni me ge? Ar ang ngobon ni an ki sum mana.

2 Samuel 20:3

David mi kal avo hatam Jerusalem, mi yo amiyôm suma gurei suma dogo suma mam arazi nga á ngom vun azinina, mi tchuguzi kur yima dingâ woi vaziya. Nga mi ngomoziya, wani nga mi tchila gevezi d’i. Mi duguzi vunazi gak mat mazina; azi arî d’igi arop suma modonod’a na gak mat mazina.

2 Samuel 16:22

A ve zlub’ud’a akulo yam gong nga amula mi Apsalom. Apsalom mi kal ad’u arop suma gureina habuma ir Israel-lâ pet.

Ad’u Tinda 38:14

Ti fok baru d’a modonod’a woyo, ti zlup tat ki baru d’a dinga ala sa wat ti, ti i kak avun azì ma Enayim-ma, avun lovot ta i Timna-d’a, kayam ndat ti wala Sela mi djeng wa da’, wani nga bei mi vad’u.

Ad’u Tinda 37:33

Jakob mi wattcha, mi nde tchina, mi dala: Ni barud’a hi goronid’a! Ambur ma tchona mi kizagam wa woyo, mi mud’um wa.

Ad’u Tinda 4:1

Adam mi bur kamamba Ef, ti ve wirâ, ti vut gorâ, ti yum ala Kain, ti dala: Ma didina mi ndjunun an vut wa gor mandjufâ.

1 Samuel 24:18

Bugola, mi de mi David ala: Ang d’ingêr kalanu, kayam ang lan djivid’a, wani an lang tchod’a.