Ad’u Tinda 37:34 - Bible azumeina

³⁴ Jakob mi haû baru ma atama woyo, mi djin ziyona furumu, mi tchi goroma burâ ngola.

Ad’u Tinda 37:34 Referans Kwoze

Ad’u Tinda 37:29

Ruben mi hulong mba avun golonga, mi fe nga Josef fi, mi haû baru mamba woyo,

2 Samuel 3:31

David mi de mi Jowap azi ki suma ad’uma ala: Agi hawâgi baru ma atagina woyo, agi djinigi talagad’a furugiya, agi tchigi Apner. Amulâ David nga mi tit bugol mad’a Apner.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

Sunda hi suma a sunuzinid’a 14:14

Wani ata yima suma a sunuzina Barnabas azi ki Paul a hum hina na, a haû baru mazina woyo, a ring a kal aduk ablau suma,

Matiye 26:65

Ata yi máma, ma ngol ma ngat buzuna mi haû baru mamba woyo, mi dala: Mi las Alona, ei dok halei suma glangâsâ d’uo d’a. Agi humugi las sa mi las Alonid’a.

Matiye 11:21

Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Joel 2:13

Agi hawâgi ni baru magina d’i, wani agi hawâgi ni hurugiya. Agi hulongôgi gen Ma didina Alo magina, kayam mam mi ma sumad’a, ni ma we hohowa sumina, nga mi mbut ayîna atogo d’i, ni ma o mamba nga d’i dap puo na, nga mi ar ngop pa mam nga hurum kat á ngopid’a woyo.

Jeremi 36:24

Amulâ kazungeî mama pet a hum ad’u zla ndata pet, wani a le nga mandar roze a haû nga baru mazi ma atazina woi d’uo mi.

Isai 36:22

Ata yi máma Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulina ki Jowa Asaf gorom ma b’ir zla d’a led’a kä na a haû baru mazina woyo, a hulong gen Ezekiyas, a dum zla d’a ma avun ma ngol ma Asiri-na mi data.

Isai 32:11

Agi arop suma nga kaka en na, agi lagi mandarâ! Agi arop suma nga kaka halasâ, agi zlagagiya! Agi fogogi baruna woi atagiya, aragi gandilad’a, agi djinigi d’i’â furugi mi.

Sawal la giled’a 69:11

An nga ni le tan ndaka, an nga ni d’el tan bei te tena mi, wani a mbut ni vama ngula kanu.

Wana ni mbaktumba hi Job-pa 2:12

Kid’a a golomî woi hina dei d’a, a vid’imu, a nde tchina ki delezi akulo, a haû baru mazi d’a nglod’a woi ataziya, a tchuk andagad’a akulo kaziya.

Wana ni mbaktumba hi Job-pa 1:20

Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Nehemi 9:1

Kur bur ma dok mbà yam fid’ina hi til mámina, Israel-lâ a tok taziya, a d’el tazi bei te tena, a tchuk baru d’a ndjondjorod’a ataziya, a tchuk andagad’a kazi mi.

1 Sunda Hamuleinid’a 21:16

David mi hle iram akulo, mi we malaikana hi Ma didinina, mi nga tchola aduk andagad’a kakulod’a, mbigeu d’a fiyaka nga pata woi abomu, mi mbut iram yam azì ma Jerusalem-ma. Ata yi máma David ki suma nglo suma a tchuk baru d’a dodora atazina, a grif kä ki irazi andaga.

2 Amuleina 19:1

Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

1 Amuleina 20:31

Azungeî mama a dum ala: Ang huma! Ami humumi ala amulei suma Israel-lâ namulei suma a we hohowa sumina. Ami i tchugumi baru d’a dodora atamiya, ami tchugumi ziyona kelemi d’igi suma dangeina na mi, ami i fami amul ma Israel-lâ. Hina wani, mam mba mi tchang nguo kla!

2 Samuel 1:11

David mi haû baru mam ma atama woyo. Suma ki sed’ema pet a haû baru ma atazina woi mi.

Josue 7:6

Josue ki suma nglo suma Israel-lâ, a haû baru ma atazina woyo, a tchuk andagad’a kaziya, a grif kä andaga ki irazi avok zandu’â hi Ma didinina, a ar bur kä ata yi máma gak fladege.

Ad’u Tinda 42:38

Jakob mi hulong dum ala: Hawa yak! Gorona nga mi i ki sed’egi d’i! Wiyema mit teyo, mam arî vam tu. Le vama tcho mbaza kam glovot kur tit magid’a ni, agi mba kalan azulei kä ki mamaran ni ki yor tad’a.

Ad’u Tinda 44:13

Ata yi máma Josef b’oziyoma a haû baru ma atazina woyo. Nge nge pî mi djin ahlena huyok koro mama, a hulong avo kur azina.

2 Amuleina 2:12

Ata yima Elise mi we hina na, mi er ad’um akulo ala: Iba! Iba! Pusâ hi Israel-lîna ki suma djangâma! Bugola, mi we Elie d’uo d’a. Kayam ndata, mi ve baru mamba, mi hawât tei aduk mbà.

2 Amuleina 22:11

Ata yima Josiyas mi hum zla d’a kur Mbaktum mba Gatid’a, mi haû baru mama woi atamu.

1 Sunda Hamuleinid’a 7:22

Abuzi Efraim nga mi yor tam ngola. B’oziyoma a nga mba á b’lengêm hurumu.

Wana ni mbaktumba hi Job-pa 16:15

An tchuk baru d’a ndjondjorod’a atanu, an pe yan kä aduk andagad’a.

Jeremi 48:37

Kayam nge nge pî, mi wel yam mbeyo, nge nge pî mi wel dudumam mbeyo, nge nge pî mi b’as tamu, a djin baru d’a ndjondjorod’a furuzi mi.

Suma ka sariyad’a 11:35

Ata yima mi watna, mi haû baru ma atama woyo, mi dala: Alë! Goronda! Ndak mban wa ndak ka ngola kanu, nda’î aduk suma a nga b’lagan djib’er mandina! An hle vunan mi Ma didina da’, an ndak á hulong bugol li!