Ad’u Tinda 37:33 - Bible azumeina

³³ Jakob mi wattcha, mi nde tchina, mi dala: Ni barud’a hi goronid’a! Ambur ma tchona mi kizagam wa woyo, mi mud’um wa.

Ad’u Tinda 37:33 Referans Kwoze

Ad’u Tinda 44:28

Ma hina mi ba woyo; an djib’er ala ambur ma ayîna mi vum wa, kayam an wum nga d’uo gak ini.

Ad’u Tinda 37:20

Ei i tchiziya, ei gum kur golong nga adjeud’a, ei mba dei ala: Ambur ma tchona mi vumu, ei mba wei ad’u adï mam ndata.

Jean 13:7

Jesus mi hulong dum ala: Vama an luma, ang nga wum ka tchetchem mbi, wani ang mba wum ad’um bugolo.

Zla d’a d’ogolâ 14:15

Sama bei wäd’u zlad’a ba na nga mi he gagazid’a yam zla d’a de d’a lara ge pet, wani sama ned’a mi djib’er tit mamba ni djib’era tua.

2 Amuleina 2:24

Mi mbut iram mi goloziya, mi gazi vuna ki simiyê Ma didina. Ata yi máma amburei suma arop suma a yazi ala ursâ-na mbà, a buzugï aduk agud’a, a mba vik gugureina dok fid’i yam mbà adigaziya, a kizagazi woi mbambak.

1 Amuleina 13:24

Bugol la mam id’a, azlona mi fum glovot mi vumu. Mad’am ar ged’a kä avun lovota, wani korona mi ar tchola kazlona avun lovota, korona abo hî, azlona abo hî mi.

Ad’u Tinda 37:32

Azi sun baru ndata mabuziya, a dum ala: Ami fami barud’a tchuka kä wana: Ang golod’u; ni hi gorongîd’a, d’oze ni ndat tuo zu?

Ad’u Tinda 42:38

Jakob mi hulong dum ala: Hawa yak! Gorona nga mi i ki sed’egi d’i! Wiyema mit teyo, mam arî vam tu. Le vama tcho mbaza kam glovot kur tit magid’a ni, agi mba kalan azulei kä ki mamaran ni ki yor tad’a.

Ad’u Tinda 44:20

Ami hulong dang ala: Abumi ma mamarâ nga, wiyemi ma gor ma mam vud’um ki mamarama nga mi. Abumi mi le kam heî, kayam mam arî abo asum vam tu; wiyem ma mbàna mi mid’a.

Ad’u Tinda 48:11

mi de mi Josef ala: An djib’er adjeu ala an mba ni wang irang ngi. Gola! Alona mi ndjunun gak an we wa andjavang tamba.