Ad’u Tinda 37:28 - Bible azumeina

²⁸ Wani ata yima suma mbut abozi suma Madiyan-na a nga kalâ, Josef b’oziyoma a hlumï woi kur golong nga adjeud’a, a guzum mbei abo suma Ismael-lâ ir gurzu d’a hapa dok mbà; azi i ki sed’em Ezipte.

Ad’u Tinda 37:28 Referans Kwoze

Sunda hi suma a sunuzinid’a 7:9

Abuyoi ngolo ndazina a le yungôra yam Josef. A guzum mbei abo suma, a i ki sed’em Ezipte-na. Wani Alona mi nga ki sed’emu,

Sawal la giled’a 105:17

Mi sun sana avorozi tu. Ni Josef ma azi guzum mbei d’igi magoma na na.

Ad’u Tinda 25:2

Ti vud’um Zimran, Joksan, Medan, Madiyan, Jisbak ki Suwa.

Matiye 26:15

Mi dazi ala: Le an hagi Jesus abogiya ni, agi mba han ni me ge? A hum bege d’a hapa dok hindi.

Ad’u Tinda 37:36

Wani suma Madiyan-na a gus Josef fei Ezipte abo Potifar azong ma ngolâ hi Faron-na, ni ma ngolâ hi azigar suma a nga ngom amulîna mi.

Ad’u Tinda 37:25

Ata yima azi kak kä á te tenina, azi hle irazi akulo, a we suma Ismael-lâ a tcholï Galät ki djambal mazid’a, azi yoi mbul ma his ma afufuîna ki dubang agu bauma kagu mirâ á izi Ezipte.

Matiye 27:9

Ahle ndazina a le hina ná ndak vun zla d’a ma djok vun Alona Jeremi mi dat ala: A yo bege d’a hap pa dok hindid’a ni bege d’a Israel-lâ a ndjak vunazi á hat kamba d’a.

Isai 60:6

Suma djambala ablaud’a a mba oî yam ambas maka. Azi ni suma djambal suma Madiyan-na ki suma Efa-na. Azi pet a mba tcholï ni Seba, a mba mba ki lora ki dubang ma his djivid’ina, a mba gile Ma didina mi.

Sawal la giled’a 83:9

Suma Asiri-na pî a zlap ki sed’ezi mi, a had’enga mi Lot groma. Tchol ndjö

Suma ka sariyad’a 8:24

Zedeyon mi dazi kua ala: An nga ni tchenegi va tu. Ar nge nge pî adigagi mi han ngangam ma mi hurumumina tutu. Kayam suma djangûna a nga ki ngangam ma lora, kayam azi ni suma hi Ismael-lâ.

Suma ka sariyad’a 8:22

Bugol ahle ndazina, Israel-lâ a de mi Zedeyon ala: Ang tamula kamiya. Bugol gorongâ mi vrak tamula blogongû, grong ngolona pî, mi vrak tamula kua d’ei; kayam ang sud’umi woi abo suma Madiyan-na.

Ndumba 25:17

Agi durugi suma Madiyan-na d’igi magi suma djangûna na, agi tchazi woyo!

Ndumba 25:15

Wani atcha d’a Madiyan nda a tchata a yat ala Kosbi, ni Sur ma avok andjaf ma ablau ma hi Madiyan-nina goromba.

Buzuk ka Abud’a 2:16

Ma ngat buzu ma Madiyan-na grom suma yuguneina a nga kid’iziya. A mba á gul mbina, a oî alum mba del golonga kä d’a ki mbina á hed’a mi d’uwarâ habuzina.

Ad’u Tinda 39:1

Suma Ismael-lâ a i ki Josef Ezipte. Potifar azong ma ngolâ hi Faron-na ni ma ngolâ hi azigar suma a nga ngom amulîna, mi guzum abo suma Ismael suma a mba ki sed’ema.

Ad’u Tinda 50:15

Kid’a Josef b’oziyoma a wala abuzi mit dad’a, a de tazi ala: Dam Josef mba mi noyôya, mba mi lei tcho d’a ei lumzi adjeud’a zu?

Ad’u Tinda 40:15

Azi vanï kur ambas sa Hebre-d’a ni kad’enga; ka hî pî, an le nga vama ndak á gan dangeinina d’i.

Buzuk ka Abud’a 21:16

Le sana mi kul sana mi guzum mbei d’oze a vum ki sed’em abomu ni, mbeî agi tchum mbeyo.

Sunda hi suma hi Levi-nid’a 27:5

Le ni ma bizam vahl gak mba dok mbàna, le ni gor mandjufâ ni, ang he bege d’a hapa dok mbà. Le ni gor atchad’a ni, ang he bege d’a hapa dogo.

Jeremi 38:13

A tanï Jeremi akulo woi ki ziyona, a ndumï woi kur golonga. Jeremi mi ar kaka kur gulumuna hi suma a ngom yinina.