Ad’u Tinda 35:23 - Bible azumeina

²³ Lea grotna ni Ruben ni Jakob gorom ma ngolâ, Simeon, Levi, Juda, Isakar ki Zabulon.

Ad’u Tinda 35:23 Referans Kwoze

Ad’u Tinda 33:2

Mi tchol yuguneina avok ki grozina, bugola, Lea ki grotna, bugola, Rachel ki Josef.

Sunda hi suma a sunuzinid’a 7:8

Alona mi djin vunam ki sed’em á ngat bayâd’a. Kid’a Abraham mi vut Isak-ka, mi ngad’am bayâd’a kur bur ma klavandina. Isak mi vut Jakob, mi ngad’am bayâd’a, Jakob mi vut abuyoi ngolo suma dogo yam mbàna, mi ngad’azi bayâd’a mi.

Ad’u Tinda 29:31

Ata yima Ma didina mi wala Jakob hurum ve nga Lea d’igi Rachel hina d’uo na, mi malat lovota á vuta, mi b’al Rachel gendreged’a.

Buzuk ka Abud’a 1:1

Wana ni simiyê Israel grom suma a mba ki sed’em Ezipte-na, nge nge pî mi mba ki sum mama:

Ad’u Tinda 29:16

Wani Laban grom suma aropma nga mbà, d’a ngola a yat ala Lea, d’a gora a yat ala Rachel.

Ad’u Tinda 49:3

Ruben, angî goron ma ngolâ. Ad’eng man nda avoka, an djogongziya. Ang kal b’oziyongâ ki subura ki sib’ika mi.

Ndumba 1:5

Wana ni simiyê suma agi yozina: Ad’u andjafâ hi Ruben-na ni Elisur Sedewur goroma;

Ndumba 1:20

Andjafâ hi Israel ma lara pî, a ndumum nad’u adezem kandjavamu. A b’ir simiyê suma bizazi dok mbà dok mbàna ki suma bizazi kal dok mbà dok mbà suma a ndak á dur ayînina gagang. A tin ad’ud’a ni yam andjafâ hi Ruben Jakob gorom ma ngolîna. Wana nablau mazid’a: Suma ad’u andjafâ hi Ruben-na: 46.500 Suma ad’u andjafâ hi Simeon-na: 59.300 Suma ad’u andjafâ hi Gad-na: 45.650 Suma ad’u andjafâ hi Juda-na: 74.600 Suma ad’u andjafâ hi Isakar-râ: 54.400 Suma ad’u andjafâ hi Zabulon-na: 57.400 Suma ad’u andjafâ hi Efraim ma Josef goromina: 40.500 Suma ad’u andjafâ hi Manase ma Josef goromina: 32.200 Suma ad’u andjafâ hi Benjamin-na: 35.400 Suma ad’u andjafâ hi Dan-na: 62.700 Suma ad’u andjafâ hi Aser-râ: 41.500 Suma ad’u andjafâ hi Neftali-na: 53.400

Ndumba 2:3

Ades ma dur ayî ma zlap kades ma dur ayîna hi Juda-nina, mi ve kang mama abo ma yorogona hi zlub’ud’ina. Ma ngol ma avok andjafâ hi Juda-nina ni Nason Aminadap goroma.

Ndumba 7:12

A mba ki sed’et d’igi Ma didina mi he vuna na. Kur bur ma avok kikidjina, Nason Aminadap gorom ma ad’u andjafâ hi Juda-nina, mi mba ki mamba. Kur bur ma mbàna, Netanel Suwar gorom ma ad’u andjafâ hi Isakar-rîna, mi mba ki mamba. Kur bur ma hindina, Eliyap Helon gorom ma ad’u andjafâ hi Zabulon-nina, mi mba ki mamba. Kur bur ma fid’ina, Elisur Sedewur gorom ma ad’u andjafâ hi Ruben-nina, mi mba ki mamba. Kur bur ma vahlâ Selumiyel Surisadai gorom ma ad’u andjafâ hi Simeon-nina, mi mba ki mamba. Kur bur ma karagayana, Eliyasaf Dewel gorom ma ad’u andjafâ hi Gad-nina, mi mba ki mamba. Kur bur ma kid’iziyana, Elisama Amihut gorom ma ad’u andjafâ hi Efraim-mina, mi mba ki mamba. Kur bur ma klavandina, Gamliyel Pedasur gorom ma ad’u andjafâ hi Manase-nina, mi mba ki mamba. Kur bur ma zlengîna, Abidan Gidoni gorom ma ad’u andjafâ hi Benjamin-nina, mi mba ki mamba. Kur bur ma dogona, Ahiyezer Amisadai gorom ma ad’u andjafâ hi Dan-nina, mi mba ki mamba. Kur bur ma dogo yam tuna, Pagiyel Okran gorom ma ad’u andjafâ hi Aser-rîna, mi mba ki mamba. Kur bur ma dogo yam mbàna, Ahira Enan gorom ma ad’u andjafâ hi Neftali-nina, mi mba ki mamba. Nge nge pî mi mba ki he d’a hawa mamba ni na: Hal ma kawei ma hap ma anegem ndak ir grama 1300-na ki taza ma kawei ma hap ma halhal ma anegem ndak ir grama 700 suma anegezi ndak ir bege d’a a ngat á hed’a yam zlub’u d’a kud’orid’a. Ahle suma mbà ndazina a ni oîd’a kafut ta adiged’i d’a a tib’eget ki mbulâ yam he d’a hawa d’a afutid’a. Kop ma lor ma anegem ndak ir grama 100 mi ni oîd’a ki dubang ma his djivid’ina á ngala. Amuhlâ tu ki timi ma bizam tuna tu mi ngad’a yam vama ngat buzu ma ngala. Mbekmberena tu ngad’a yam vama ngat buzu ma zlup yam tchod’a. Amuzleina mbà, gamlâna vahl, mbekmberena vahl ki tumiyô suma bizazi tutuna vahl ngad’a yam vama ngat buzu ma zlap darigïd’a.

Ndumba 10:14

Ades ma dur ayî ma mi tok ad’u drapod’a hi Juda-d’ina, mi tchol id’a avo’î mamu. Ma ngol ma avok suma hi Juda-nina ni Nason Aminadap goroma.

Ndumba 13:4

Simiyêzi ba wana: Ma ad’u andjafâ hi Ruben-nina ni Samuwa Zakur goroma;

Ndumba 26:5

Wana ni suma a ndumuzina: Ruben Israel gorom ma ngolâ groma ba wana: Suma Eno’â nandjafâ hi Eno’â, suma Palu-na nandjafâ hi Palu-na,

Ndumba 34:19

Wana ni simiyê sum ndazina: Ma ad’u andjafâ hi Juda-nina ni Kalep Jefune goroma:

Gat ta a hat á mbàd’id’a 27:11

Ni kur bur máma ba, Moise mi he vun ma wana mi suma ala:

Gat ta a hat á mbàd’id’a 33:6

Ar andjafâ hi Ruben-na va mi lum mbi. Ar mi mit ti. Ar sum mama a zul ablaud’a.

Josue 13:15

Moise mi b’rau andagad’a djona mandjafâ hi Ruben-na nad’u adezeziya, ad’u adezeziya.

Josue 15:1

Andaga d’a a hat djona ki togina mandjafâ hi Juda-na ad’u adezezi ad’u adezezid’a, ti tinï ad’ud’a ni ir haga d’a Edom mba hur ful ma Tisin-na abo ma sutna gak mba avun dabid’a habo ma sutnid’a.

Josue 19:1

Wana nandaga d’a a hat ki togina á mbàd’a mandjafâ hi Simeon-na ad’u adezezi ad’u adezezid’a: Andaga mazid’a ti kal aduka hi suma hi Juda-nid’a.

Josue 19:10

Wana nandaga d’a a hat ki togina á hindid’a mandjafâ hi Zabulon-na ad’u adezezi ad’u adezezid’a:

Josue 19:17

Wana nandaga d’a a hat ki togina á fid’id’a mandjafâ hi Isakar-râ ad’u adezezi ad’u adezezid’a:

Suma ka sariyad’a 5:14

Suma hi Efraim suma a kus yam suma Amale’â a tcholï a mba. Suma hi Benjamin-na a zlap ki azigar mazina. Suma hi Makir-râ a sun mazi suma nglona á dur ayîna zlapa ki suma hi Zabulon suma a nga ki totogo d’a tamula abozina.

Suma ka sariyad’a 5:15

Suma nglo suma ad’u andjafâ hi Isakar-râ a zlap ki Debora, suma hi Isakar-râ a zlap ki Barak mi, a i blogom kur hora. Suma hi Ruben-na a nga huruzi yam zlad’a teteng sä avun toliyon mazid’a!

Suma ka sariyad’a 5:18

Suma hi Zabulon-na a he tazi á matna, suma hi Neftali-na a le ni hina mi, a tchol avun ayî ma durâ.

Wana ni mbaktum mba a b’irit yam Rut-ta 4:11

Suma nglona ki suma pet suma a nga kaka kä ata yi mámina a dala: Â, ami ni suma glangâsâ. Ar Ma didina mi b’e vunam yam atcha d’a ang nga vata; ar ti mbut ni d’igi Rachel azi ki Lea, aropma hi Jakob suma mbà suma a tin ad’u andjaf Israel-lîna na. Ar ang ka’î sama ndjondjoîna aduk andjafâ hi suma Efrat-na; ar simiyêng mi yï kur ambas sa Betelehem-mba mi.

1 Sunda Hamuleinid’a 12:25

Suma ad’u andjafâ hi Simeon-na a ni 7100.

1 Sunda Hamuleinid’a 27:16

Israel suma nglo suma avok andjavazina ba wana: Eliyezer Zikri goroma ni ma avok suma hi Ruben-na. Sefatiya Mäka goroma ni ma avok suma hi Simeon-na.

Ezekiyel 48:30

Wana ni vun agrek ma dogo yam mbàna hazì ma ngol ma Jerusalem-mina. Vun agrek ma lara pî a mba yumî ki simiyê andjaf Israel-lâ tutu pet. Abo ma norâ gulumuna fiyagamî metred’a 2250, mi nga ki vun agre’â hindi. Vun agre’â hi Ruben-na tu, vun agre’â hi Juda-na tu, vun agre’â hi Levi-na tu mi.

Vama ndum mbeina 7:7

a ka suma ad’u andjafâ hi Simeon-na geuna dudubud’a dogo yam dudubud’a mbà, a ka suma ad’u andjafâ hi Levi-na geuna dudubud’a dogo yam dudubud’a mbà, a ka suma ad’u andjafâ hi Isakar-râ geuna dudubud’a dogo yam dudubud’a mbà,