Ad’u Tinda 35:22 - Bible azumeina

²² Wani ata yima Israel mi nga kaka kur ambas ndata tua na, Ruben mi i mi bur ki Bilha amam mba gora; Israel mi hum mi. Jakob groma ni dogo yam mbà.

Ad’u Tinda 35:22 Referans Kwoze

1 Sunda Hamuleinid’a 5:1

Ruben Israel gorom ma ngolâ groma ba wana: Kayam Ruben ni gor ma ngolâ, wani kid’a mi bur katchad’a habumid’a, ahle suma ngad’a kam yam ngol mambina a hazi woi mi Josef ma Israel goromina groma. Ni hina ba, a b’ir nga simiyê Ruben ngad’a yam ngol mamba d’uo ni na.

Sunda hi suma hi Levi-nid’a 18:8

Ar ang bur katchabunga d’i, kayam ang mbut nabung zulona.

1 Korente-na 5:1

Ami humumi ata yina pet ala mizeuna nga adigagiya. Aduk andjaf suma dingâ pî, andjaf mizeu ma hina na nga adigazi d’i. A nga dala sama dingâ adigagi mi vatchad’a habumba.

2 Samuel 20:3

David mi kal avo hatam Jerusalem, mi yo amiyôm suma gurei suma dogo suma mam arazi nga á ngom vun azinina, mi tchuguzi kur yima dingâ woi vaziya. Nga mi ngomoziya, wani nga mi tchila gevezi d’i. Mi duguzi vunazi gak mat mazina; azi arî d’igi arop suma modonod’a na gak mat mazina.

Vama ndum mbeina 21:14

Gulumuna hi azì mámina a gum ad’umî kahinad’a dogo yam mbà. A b’ir simina hi suma a sunuzi suma dogo yam mbàna hi Gor timinina atad’u.

Sunda hi suma a sunuzinid’a 7:8

Alona mi djin vunam ki sed’em á ngat bayâd’a. Kid’a Abraham mi vut Isak-ka, mi ngad’am bayâd’a kur bur ma klavandina. Isak mi vut Jakob, mi ngad’am bayâd’a, Jakob mi vut abuyoi ngolo suma dogo yam mbàna, mi ngad’azi bayâd’a mi.

Ad’u Tinda 35:18

Ata yima ndat ar go á matnid’a, ti yum ala Benoni, wani abum mi yum ala Benjamin.

Buzuk ka Abud’a 2:1

Sama ad’u andjafâ hi Levi-na, mi ve gor ra ad’u andjavamba.

Ndumba 10:14

Ades ma dur ayî ma mi tok ad’u drapod’a hi Juda-d’ina, mi tchol id’a avo’î mamu. Ma ngol ma avok suma hi Juda-nina ni Nason Aminadap goroma.

Ndumba 13:4

Simiyêzi ba wana: Ma ad’u andjafâ hi Ruben-nina ni Samuwa Zakur goroma;

Gat ta a hat á mbàd’id’a 27:12

Fata agi djagagi alum ma Jurdê-nid’a, andjafâ hi Simeon-na, hi Levi-na, hi Juda-na, hi Isakar-râ, hi Josef-fâ ki ma hi Benjamin-na, a tchol yam ahina d’a Garizim-mba á b’e vuna yam suma.

Gat ta a hat á mbàd’id’a 27:20

Sama mi bur katchad’a habumbina, Ma didina mi gum vuna, kayam mi mbut nabum zulona! Ablau suma petna a hulong ded’a ala: Amin!

Suma ka sariyad’a 5:14

Suma hi Efraim suma a kus yam suma Amale’â a tcholï a mba. Suma hi Benjamin-na a zlap ki azigar mazina. Suma hi Makir-râ a sun mazi suma nglona á dur ayîna zlapa ki suma hi Zabulon suma a nga ki totogo d’a tamula abozina.

1 Samuel 2:22

Eli mi mbut mamara ngola. Ata yima mi hum ala groma a nga le tchod’a hina hina ki Israel-lâ, a nga bur karop suma a nga le sunda avun zlub’ud’a hAlonid’ina mi na,

2 Samuel 13:21

Amulâ David mi hum zla ndata pet, hurum zal ngola.