Ad’u Tinda 35:19 - Bible azumeina

¹⁹ Rachel ti mid’a; azi tozot avun lovot ta i Efrata-d’a, nala, Betelehem.

Ad’u Tinda 35:19 Referans Kwoze

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Ad’u Tinda 48:7

An nga ni le na ni yam asung Rachel. Kid’a an tcholï Padan-Aram-mba, ti mba d’i mit abon glovot yam ambas sa Kanan-nda, ar go a kal Efrata. An tozot sä avun lovot ta i Efrata-d’a. Efrata ni Betelehem.

Matiye 2:6

Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Wana ni mbaktum mba a b’irit yam Rut-ta 4:11

Suma nglona ki suma pet suma a nga kaka kä ata yi mámina a dala: Â, ami ni suma glangâsâ. Ar Ma didina mi b’e vunam yam atcha d’a ang nga vata; ar ti mbut ni d’igi Rachel azi ki Lea, aropma hi Jakob suma mbà suma a tin ad’u andjaf Israel-lîna na. Ar ang ka’î sama ndjondjoîna aduk andjafâ hi suma Efrat-na; ar simiyêng mi yï kur ambas sa Betelehem-mba mi.

Wana ni mbaktum mba a b’irit yam Rut-ta 1:2

Sa máma simiyêm ala Elimelek, amamba simiyêt ala Naomi, grom suma mbàna, ma hina a yum ala Malon, ma hina a yum ala Kiliyon; azi ni suma Efrat-na, nala, Betelehem mba Juda-d’a. Azi mba yam ambas sa Mowap-pa, a kak kua.

Matiye 2:1

Kid’a Marie ti vut Jesus kur Betelehem yam ambas sa Jude-d’a kur atchogoi d’a Herot mi nga kur amulid’a, suma ned’a a tcholï abo ma yorogona, a mba Jerusalem.

Mise 6:2

Agi ahuniyôna kandaga d’a ad’ut ta ge d’a ngingid’a, agi humugi zlad’a hi Ma didinid’a kayam Ma didina mi nga ki zlad’a ki sum mama, mi min b’ak zlad’a ki Israel-lâ.

Josue 19:15

Ti kal Katat, Nahalal, Simron, Jidala ki Betelehem. Azì ma nglona ni dogo yam mbà kazì mazi ma gureina mi.

Ad’u Tinda 35:16

Jakob ki sum mama a ar Betel, a iya. Kid’a azi mba go á kal Efrata-d’a, Rachel ti nde vuta; vuta lat heî.

Ad’u Tinda 35:18

Ata yima ndat ar go á matnid’a, ti yum ala Benoni, wani abum mi yum ala Benjamin.

1 Samuel 17:12

David ni Jesse goroma. Jesse ni ma Efraim ma nga kaka Betelehem mba Juda-d’ina; groma ná klavandi. Kur atchogoid’a hi Saul-la Jesse bizam ngola, mi djeng mamara mi.

Esdras 2:21

Suma Betelehem-ma ni 123,

Sawal la giled’a 132:6

Gola! Ami humumi avun suma Efrata-na ala: Ami fami zandu’â hAlonina sä abagei aduk agu d’a Jar-ra.

Suma ka sariyad’a 17:7

Gor azong ma ad’u andjafâ hi Levi-nina mi nga avo Betelehem mba yam andagad’a hi Juda-d’id’a.

1 Samuel 10:2

Ata yima ang wal ini ki sed’en wana, ang mba ngaf ini ki suma mbà yam andaga d’a Benjamin-nda, go ki Selsa yam asud’a hi Rachel-la. Azi mba dang ini ala: Koro d’a ang halata a fat wa. Abung nga mi djib’er kat tuo d’a, wani nga mi djib’erî kayam angû, mi nga dala: An le ni nana ba, ni fe gorona ge?

1 Samuel 16:4

Samuel mi le d’igi Ma didina mi dum na. Kid’a mi i Betelehem-mba, suma nglo suma kur azinina a d’ugulomu, a nga ki mandarâ, a djobom ala: Ang mba ni hawa ko zu?

2 Samuel 23:14

David mi nga ata yam ma ngeid’a; Filistê-na a ve nga kang mazina avo Betelehem.

2 Samuel 23:15

David zla mbina lumu, mi dala: Ni nge ba, mi i mi gulunï mbiyo ma kur golong nga sä avun azì ma Betelehem-ma á tched’a ge?

1 Sunda Hamuleinid’a 2:51

Salma ni ma mi gäd’u Betelehem-ma; Haref ni ma mi gäd’u Bet-Gader-râ.

2 Sunda Hamuleinid’a 11:6

Mi min Betelehem, Etam, Tekowa,

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.