Ad’u Tinda 35:16 - Bible azumeina

¹⁶ Jakob ki sum mama a ar Betel, a iya. Kid’a azi mba go á kal Efrata-d’a, Rachel ti nde vuta; vuta lat heî.

Ad’u Tinda 35:16 Referans Kwoze

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Matiye 2:18

A hum dela avo Rama. Suma a nga tchi tchi ma hohoud’a ngola. Rachel nga d’i tchi yam grotna, ti min b’leng hur ma suma a b’lengêt tchina d’i, kayam grotna a mid’a d’a.

Ad’u Tinda 48:7

An nga ni le na ni yam asung Rachel. Kid’a an tcholï Padan-Aram-mba, ti mba d’i mit abon glovot yam ambas sa Kanan-nda, ar go a kal Efrata. An tozot sä avun lovot ta i Efrata-d’a. Efrata ni Betelehem.

1 Timote 2:15

Wani le d’i nga kaka kur he gagazid’a ki od’a ki yed’eta ki ned’a ni, mba d’i fe suta yam gro suma vuta.

Matiye 2:16

Ata yima Herot mi wala suma ned’a a lobomî loba na, hurum zal ngola. Mi tchuk sunda á tchi gro andjof suma Betelehem-ma ki suma kur ambas sa nguyuta pet suma bizazi mbàmbàna ki suma bizazi ndak nga mbàmbà d’uo na woyo, ndak yam bur ma suma ned’a a dum yam tchitchiud’ina.

Matiye 2:1

Kid’a Marie ti vut Jesus kur Betelehem yam ambas sa Jude-d’a kur atchogoi d’a Herot mi nga kur amulid’a, suma ned’a a tcholï abo ma yorogona, a mba Jerusalem.

Sawal la giled’a 132:6

Gola! Ami humumi avun suma Efrata-na ala: Ami fami zandu’â hAlonina sä abagei aduk agu d’a Jar-ra.

1 Sunda Hamuleinid’a 2:19

Azuba ti mid’a. Kalep mi vatcha d’a dinga a yat ala Efrata, ti vud’um Hur.

2 Amuleina 5:19

Elise mi dum ala: Ang i lafiya. Näman mi iya. Näman mi hut sä woi hina nde.

Wana ni mbaktum mba a b’irit yam Rut-ta 1:2

Sa máma simiyêm ala Elimelek, amamba simiyêt ala Naomi, grom suma mbàna, ma hina a yum ala Malon, ma hina a yum ala Kiliyon; azi ni suma Efrat-na, nala, Betelehem mba Juda-d’a. Azi mba yam ambas sa Mowap-pa, a kak kua.

Ad’u Tinda 35:19

Rachel ti mid’a; azi tozot avun lovot ta i Efrata-d’a, nala, Betelehem.

Ad’u Tinda 3:16

Bugola, mi de matchad’a ala: An mba ni hak ndak ka ngola ki wirâ; ndak mba d’i vut grona ni ki ndaka; hina pet pî, min maka mba d’i tchol nata ndjuvugu, mam mba mi te kak mi.

Wana ni mbaktum mba a b’irit yam Rut-ta 4:11

Suma nglona ki suma pet suma a nga kaka kä ata yi mámina a dala: Â, ami ni suma glangâsâ. Ar Ma didina mi b’e vunam yam atcha d’a ang nga vata; ar ti mbut ni d’igi Rachel azi ki Lea, aropma hi Jakob suma mbà suma a tin ad’u andjaf Israel-lîna na. Ar ang ka’î sama ndjondjoîna aduk andjafâ hi suma Efrat-na; ar simiyêng mi yï kur ambas sa Betelehem-mba mi.

1 Samuel 4:20

Ata yima ti ar go á matnina, arop suma nga gevetna a dat ala: Ndak le mandar ri, ndak vut wa gor mandjufâ da’. Wani ndat dazi nga zla d’i, ti min nga zla mazid’a d’uo ko.

1 Samuel 10:2

Ata yima ang wal ini ki sed’en wana, ang mba ngaf ini ki suma mbà yam andaga d’a Benjamin-nda, go ki Selsa yam asud’a hi Rachel-la. Azi mba dang ini ala: Koro d’a ang halata a fat wa. Abung nga mi djib’er kat tuo d’a, wani nga mi djib’erî kayam angû, mi nga dala: An le ni nana ba, ni fe gorona ge?