Biblia Todo Logo
Bib sou entènèt

- Piblisite -




Ad’u Tinda 34:27 - Bible azumeina

27 Jakob groma a tchuk avo hi suma azi tchazina, a hurum ahle suma avo hur azinina pet, kayam azi b’lak wiyezid’a.

Gade chapit la Kopi




Ad’u Tinda 34:27
13 Referans Kwoze  

Le yam beged’a ni sidei tcho d’a lara ge pet. Kur bege d’a hala suma dingâ a wal lei dei ki he gagazid’a, a nga ki djib’era d’igi azi tchi tazi kat na mi.


Juif suma a nga abu kur leud’a hamulîd’ina, a tok tazi yam tazi á dur ki mazi suma djangûna, a tchi mazi suma djangûna 75.000, wani a hurumuzi nga ahligiyezi d’i.


Azi zla tazi dogo pet ni Haman Hamedata gorom ma djangûna hi Juif-fîna groma. Wani Juif-fâ a hurumuzi nga ahligiyezi d’i.


An gol aduk ahle suma ei hurumuzina, an we baru d’a ngol la djif fa Sinar-ra ki kawei ma hapma kikis mbà ki mbuka hi lor-ra d’a aneget ndak ir grama go ki kikis sa klavandid’a. An le d’od’oka kaziya, an yoziya, a nga ngeid’a kä aduk andagad’a kur zlub’u manda; kawei ma hapma mi nga tchuka kä ad’uziya.


Ang tchola akulo, ang mbut suma yed’et, ang dazi ala: Ndjivin agi mbud’ugi tagi yed’et, kayam Ma didina Alona hi Israel-lâ mi dala: Ahle suma an d’el kazi ala agi yozi d’uo na, a nga adigagiya. Le agi yogi nga ahle ndazina woi adigagi d’uo ni, agi ndak á tchologi avok magi suma djangûna d’i.


Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.


Sa máma mi hulong dum ala: Ni nge mi tining amula ki ma ka sariyad’a kami ge? Ang hal á tchan d’igi ang tchi ma Ezipte-na kama na zu? Moise mi le mandarâ, mi dala: Gagazi, zla ndata suma humut wa da’.


Azi hulong dum ala: Sana mi ndak á lami wiyemid’a d’igi atcha d’a gaulangâ hina zu?


Sikem, Hamor amul ma Hef ma yam andaga ndatina goroma, mi wad’u, mi vad’u, mi bur ki sed’et mi b’lagad’u.


a tchi Hamor azi ki goroma Sikem, a veï Dina avo hi Sikem, a i ki sed’ed’u.


Azi yo ahok mazina, amuzleina, korona, ahle suma hur azinina kahle suma hur asinenina mi.


Azi a mba yoï agu abagei d’i, azi mba kaï agu aduk agud’a d’uo mi, kayam nahle suma sï ndazina ba, azi mba ngalazi avo hataziya, azi mba yoï ahlena abo suma a yo ahle mazinina, a mba hurumï ahlena abo suma a hurumuzina. An Salad’a Ma didina ni de na.


Ni kayam ndata ba, Salad’a Ma didina mi dala: Gola! Agi suma Samari-na, ma djangûna nga mi ngui ambasa, mba mi b’lagagi aziyagi ma ad’eng ma ngunguna woyo, mba mi hurum ahle suma kur aziyagi ma amulina mi.


Swiv nou:

Piblisite


Piblisite