Ad’u Tinda 32:28 - Bible azumeina

²⁸ Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Ad’u Tinda 32:28 Referans Kwoze

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.

Ad’u Tinda 35:10

mi dum ala: Simiyêng ala Jakob; a dok yang ala Jakob puo d’a, wani a mba yang ala Israel. Ni hina ba, Alona mi yum ala Israel.

Ad’u Tinda 17:5

Suma a dok yang ala Abram mbuo d’a, wani a mba yang ala Abraham, kayam an mba ni mbud’ung andjaf suma ablauna abuziya.

Ad’u Tinda 17:15

Alona mi de mi Abraham kua ala: Ang dok yi amanga ala Sarai d’uo d’a, wani ang yat ala Sara.

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Zla d’a d’ogolâ 16:7

Le Ma didina hurum ve tita hi sanid’a ni, mam suma djangûna pî, mba mi zlabam darigïd’a ki sed’eziya.

Ad’u Tinda 33:4

Esau mi ring á ngavamu, mi bed’em kok, mi vum delemu; a hileû taziya, azi djak a nga tchiya.

Jean 1:42

Mi i ki sed’em gen Jesus. Jesus mi golom mi dum ala: Angî Simon Jean goroma. A mba yang ala Kefas, nala, Pierre.

Ad’u Tinda 25:31

Wani Jakob mi hulong de mi Esau ala: Ang han ngol manga tua.

2 Amuleina 17:34

Gak ini a nga tit ni yam zla mazi d’a adjeud’a, wani a nga le mandara Ma didina d’i. Azi nga tit yam vun mazi ma hed’a ki gat mazi d’a adjeud’a memet ti, a nga tit yam gata ki vun ma he ma Ma didina mi hum mandjafâ hi Jakob ma mam yum ala Israel-lâ na d’uo mi.

2 Samuel 12:25

mi sun ma djogom vunama Natan gen David ala: Ami yum ala Jedidiya. (Nala, Ma didina nga mi le kamu.)

1 Samuel 26:25

Saul mi de mi David ala: Gorona, Alona mi b’e vunam kangû; sun nda ang lata pet ti labong djivid’a! David mi i yi mama; Saul mi hulong avo hatamu.

Ad’u Tinda 32:24

Jakob mi ar vam tu, sana tu mi ndjiget ki sed’em gak yina nga ad’um fod’a.

Ad’u Tinda 31:24

Alona mi mba ata Laban ma Aram-ma andjege, mi dum adïd’a ala: Ang gol tang djivi á de vama djivi d’oze vama tcho mi Jakob.

Ndumba 13:16

Wana ni simiyê suma Moise mi sunuzi á d’u ambasina. Mi tin Ose ma Nun goromina simina ala Josue.

1 Amuleina 18:31

Mi yo ahinad’a dogo yam mbà, ngad’a yam andjaf ma dogo yam mbàna hi Jakob ma Ma didina mi dum ala: Bugol hî a mba yang ala Israel-lu na.

Ad’u Tinda 33:20

mi min yima ngal ahle suma ngat buzuna, mi yum ala El, Elohe Israel.

Ad’u Tinda 32:27

Sa máma mi dum ala: Simiyêngâ na? Mi hulong dum ala: Jakob.

1 Sunda Hamuleinid’a 1:34

Abraham mi vut Isak. Isak groma ba wana: Esau ki Israel.

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.