Ad’u Tinda 32:20 - Bible azumeina

²⁰ Agi dum ala: Azong mangâ Jakob tamba nga mi djï blogomiya. Jakob mi de kurum ala: An mba ni b’lengêm hurum ki he d’a hawa d’a sä avoronda. Bugol an mba ni fumu, na ni mba mi van atam ki furîd’a ko zu?

Ad’u Tinda 32:20 Referans Kwoze

Zla d’a d’ogolâ 21:14

He d’a hawa d’a a hat gumunda nga d’i b’leng vun ayîna hi sanina kä, he d’a hawa d’a gumunda nga d’i ve vun ayîna hi sanina kä mi.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

Jonas 3:9

Ni nge mi we ge, dam Alona mba mi djok djib’er mamba kei mba mi ar ayî mama bibiliuna tala ei boi woi d’uo d’a kla ni ge?

Zla d’a d’ogolâ 16:14

Ayîna hamulîna mi ni d’igi sama sunda hi matnina na, wani sama ned’a mi ndak á b’lengêm hurumu.

Zla d’a d’ogolâ 15:18

Sama ayîna heîna nga mi tchol ki huneîd’a, wani sama le lilinga nga mi ve vun huneîd’a kä.

Zla d’a d’ogolâ 6:35

Nga mi tin djib’erem yam wuraka d’i. Le ang hum he d’a hawad’a ni nana pî, nga mi vat ti.

1 Amuleina 20:31

Azungeî mama a dum ala: Ang huma! Ami humumi ala amulei suma Israel-lâ namulei suma a we hohowa sumina. Ami i tchugumi baru d’a dodora atamiya, ami tchugumi ziyona kelemi d’igi suma dangeina na mi, ami i fami amul ma Israel-lâ. Hina wani, mam mba mi tchang nguo kla!

1 Samuel 6:5

Agi lagi vama hle tam d’igi tugud’ei d’a a yat ala emorotina na d’igi kulom mba nga d’i b’lagagi ambazagid’a na mi, agi hagi ngola mAlona hi Israel-lîna. Dam mam mba mi aragi agi kalo magina kandaga magid’a bei ngopa kla.

Ad’u Tinda 43:11

Abuzi Israel mi dazi ala: Le ni hina ni, agi lagi ni hina: Agi yogi vud’ahle suma djivi suma yam andaga meid’ina abogi kur bud’omei magina, mbul ma his ma afufuîna nde, ayuma nde, dubang agu bauma kagu mirâ nde, vud’agu pistasâ ki vud’agu amandena mi, agi hagizi mi sa máma he d’a hawad’a.

Ad’u Tinda 32:19

Jakob mi he vun máma mazong ma mbàna ki ma hindina ki suma a nga tit bugol d’uwarîna pet hina ala: Wana ni zla d’a agi mba dat mi salana Esau ata yima mi ngavaginid’a.

Ad’u Tinda 32:21

He d’a hawa ndata kal avoromu, mam tamba mi bur ata yima mi zlup kuana.

Zla d’a d’ogolâ 18:16

He d’a hawad’a hi sanid’a nga d’i malam lovota avorom hotot, nga d’i hum yima kaka gen suma nglona mi.