Ad’u Tinda 31:7 - Bible azumeina

⁷ Wani abugi mi lan iranu, mi mbud’un wurak manda yam dogo, wani Alona mi aram nga á lan vama tcho d’i.

Ad’u Tinda 31:7 Referans Kwoze

Ad’u Tinda 31:41

An le bizad’a avo hatangî dok mbà, an lang sunda bizad’a dogo yam fid’i yam grong suma mbàna, bizad’a karagaya yam d’uwar mangâ, wani ang mbud’un wurak manda yang dodogo.

Ad’u Tinda 31:29

An ndak á lagi va, wani Alona habungâ mi dan kama andjege ala: Ang gol tang djiviya, ang de vama djivi d’oze vama tcho mi Jakob pi.

Zakari 8:23

An Ma didin ma ad’engên kal petna ni dala: Kur bur máma suma dogo ad’u vun ma ded’a teteng a mba ve vun barud’a hi ma Juif-fîd’a, a mba dum ala: Ami imi ki sed’egiya, kayam ami humumi ala Alona mi nga ki sed’egiya.

Sawal la giled’a 37:28

Kayam Ma didina mi min ni d’ingêra, nga mi ar mam suma d’engzengâ woi d’i. Nga mi ngomozi burâ ki burâ, wani andjafâ hi suma asa’atnina, a mba tchazi woyo.

Nehemi 4:12

Wani Juif suma a nga kaka go ki mami suma djangûnina a mba yazi dogo, a dami ala: Ata yima lara ge pet ma agi nga kuana, azi mba mba atagi á durâ.

Ndumba 14:22

Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Isai 4:1

Kur bur máma aropma kid’iziya a mba ve mandjuf ma tuna, a mba dum ala: Ami halami te mamina ni yam tamiya, ami halami baru mamina ni yam tami mi, wani ar a yami ni ki simiyêng go. Hina wani, ang mba hlami zulo mamina woi kamiya.

Wana ni mbaktumba hi Job-pa 19:3

Wana ni yagi á dogo d’a ba, agi nga ngulunu! Ndak ka agi nga landji wanda, zulo nga mi lagi avun nduo zu?

Wana ni mbaktumba hi Job-pa 1:10

Ni kayamba ang gum kangâna kam mbei ki sum mama kahligiyem peta d’uo zu? Ang b’e vunang yam sun nda mam nga mi lata; d’uwar mama mi zul yam andagad’a mi d’uo zu?

Sunda hi suma hi Levi-nid’a 26:26

Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Ad’u Tinda 20:6

Alona mi dum adïd’a kua ala: An wala ang le nata yad’u; ni na ba, an d’eleng á le tchod’a á kak djangûna ki sed’enu. Ni kayam ndata ba, an arang ang dot tuo ni na.

Wana ni mbaktumba hi Job-pa 19:8

Alona mi gang lovota woi avoronu, an nga ni fe lovot á kal li; mi mbud’un lovot manda nduvunda mi.

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Ad’u Tinda 29:25

Kid’a yina fod’a, Jakob mi gol wani, doli ni Lea! Jakob mi de mi Laban ala: Ang lan ni me hina ge? An lang sunda ni yam Rachel luo zu? Ni kayam me ba, ang mbud’un iran nge?

Ad’u Tinda 30:28

Ang ngan wurak manga, an mba ni wuragangziya.

Ad’u Tinda 31:24

Alona mi mba ata Laban ma Aram-ma andjege, mi dum adïd’a ala: Ang gol tang djivi á de vama djivi d’oze vama tcho mi Jakob.

Daniel 1:20

Ata yima amulâ mi djobozi ad’ud’a yam hat ta lara ge d’a yam ned’a ki wed’id’a, nga mi fe hum mba azi hulongômzid’a kal hum mba suma mbuta ki suma a djop ki tchitchiud’a suma kur leu mamba petna a hulongômzid’a yazi dogo.