Ad’u Tinda 31:10 - Bible azumeina

¹⁰ Wani ata yima aho’â a nga ful tazina, an we kur adïd’a mbekmbere ma nga yam aho’îna, tamî d’udjod’a kikring, ma hina tam d’udjod’a ndundub’uk, ma hina tam d’udjod’a tchetchef mi.

Ad’u Tinda 31:10 Referans Kwoze

1 Amuleina 3:5

Kid’a Salomon mi sä Gabawon tua d’a, Ma didina mi dum adïd’a andjege ala: Ang tchenen vama ang minima, an ni hangziya!

Gat ta a hat á mbàd’id’a 13:1

Moise mi de kua ala: Le sama djok vuna d’oze ma vana nde tam mbei irama, mi tchol adigagi mi de yam vama taka, d’oze vama yoyouna,

Ndumba 12:6

Mi dazi ala: Agi humugi zla manda djiviya! Ata yima sana mi mbut ma djogon vunana adigagina, an nde tan iramî nde, an dum zlad’a ni kur adïd’a.

Ad’u Tinda 31:24

Alona mi mba ata Laban ma Aram-ma andjege, mi dum adïd’a ala: Ang gol tang djivi á de vama djivi d’oze vama tcho mi Jakob.

Ad’u Tinda 30:39

Azi nga ful tazi avok abo agu mi ndalam máma, azi nde vut gro suma tazi d’udjod’a kikringâ ki suma tazi ndundub’u’â ki suma tazi tchetchefâ.

Ad’u Tinda 28:12

Adïd’a nga d’i dumu, mi wägu ma djak kakulona mi nga tinda kä yam andagad’a gak yam mbi do hur alona. Malaikana hAlonina a nga djaga akulo, a nga hulongî kä ata agu máma.

Ad’u Tinda 20:6

Alona mi dum adïd’a kua ala: An wala ang le nata yad’u; ni na ba, an d’eleng á le tchod’a á kak djangûna ki sed’enu. Ni kayam ndata ba, an arang ang dot tuo ni na.

Ad’u Tinda 31:9

Alona mi yo d’uwarâ habugina, mi handjiya.

Ad’u Tinda 31:11

Malaikana hAlonina mi yan kur adïd’a ala: Jakob! An humum ala: An huma!

Ad’u Tinda 31:12

Mi dan ala: Ang hle irang akulo, ang gol mbekmbere suma d’udjo suma a nga nga yam aho’îna pet, suma tazi d’udjod’a kikringâ, suma tazi d’udjod’a ndundub’u’â ki suma tazi d’udjod’a tchetchefâ, kayam an we vama Laban mi langzina.

Ad’u Tinda 37:5

Adïd’a de Josef, mi vat ad’ut mi b’oziyoma; azi vum kuruzi ve d’a kala.