Ad’u Tinda 30:22 - Bible azumeina

²² Bugola, Alona mi djib’er yam Rachel, mi humud’u, mi malat lovota á vuta.

Ad’u Tinda 30:22 Referans Kwoze

Ad’u Tinda 29:31

Ata yima Ma didina mi wala Jakob hurum ve nga Lea d’igi Rachel hina d’uo na, mi malat lovota á vuta, mi b’al Rachel gendreged’a.

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

Sawal la giled’a 113:9

Mi hatcha d’a gendreged’a azì ma kaka, mi mbud’ut atcha d’a furîd’a aduk grotna. Agi gilegi Ma didina!

Ad’u Tinda 30:2

Jakob hurum zal ata Rachel ngola, mi dat ala: An mbut nAlona ba, ni d’elek bei vuta zu?

Sawal la giled’a 127:3

Gagazi, grona ni he d’a hawad’a hi Ma didinid’a, gro suma azi nga vud’uzina ni wurak mazid’a mi.

Sawal la giled’a 105:42

Kayam mi djib’er yam vun mam ma hle ma irat ma mi hlum mi azong mama Abraham-ma,

Ad’u Tinda 25:21

Isak mi tchen Ma didina yam amamba, kayam ndat ni gendreged’a. Ma didina mi hum tchen mamba; amamba Rebeka ti ve wirâ.

Ad’u Tinda 30:21

Bugola, ti vut gor atchad’a, ti yat ala Dina.

Ad’u Tinda 35:24

Rachel grotna ni Josef ki Benjamin.