Ad’u Tinda 30:1 - Bible azumeina

¹ Ata yima Rachel ti wala ndat ti vut nga gor mi Jakob puo na, ti nde le yungôra ata wiyeta, ti de mi Jakob ala: Ang han grona! Le hina d’uo ni, an mba ni mid’a!

Ad’u Tinda 30:1 Referans Kwoze

Wana ni mbaktumba hi Job-pa 5:2

Hur ma zala nga mi tchi sama yam nga kam mbuo na woyo, ayîna nga mi tchi sama lilid’a woi mi.

Ad’u Tinda 29:31

Ata yima Ma didina mi wala Jakob hurum ve nga Lea d’igi Rachel hina d’uo na, mi malat lovota á vuta, mi b’al Rachel gendreged’a.

Ad’u Tinda 37:11

B’oziyoma huruzi zal atamu, wani abum mi ve zla ndata kurumu.

2 Korente-na 7:10

Kayam zal hur ma tcholï ata Alonina nga mi mbut sana hurum á fe suta. Sut ndata, zal hurâ mi nga kua d’i, wani zal hurâ hi duniyad’ina mi ingî kur matna.

Jacques 4:5

Ata yima mbaktumba hAlonid’a ti dala: Alona nga mi le yungôra yam muzuk ma mi heizi kurina na, agi djib’eregi ala ni hawa zu?

Jacques 3:14

Wani le yungôr ma tchona ki huneîd’a a nga kurugiya ni, ar agi suburugi tagi yam gagazid’a d’i, agi kagi zlad’a kat tuo mi.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

Zla d’a d’ogolâ 14:30

Hur ma ab’lengâ ni djivid’a yam hliu tad’a, wani yungôrâ ni ndjuvul ma mud’ung aduk asogongâ.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Galat-na 5:21

d’od’oka, gurut ki süma, lü ma batranga kahle suma ding suma hina na mi. An nga ni gigid’egi yam ahle ndazina pet, d’igi an gigid’egi avok na: Andjaf suma a nga lahle suma hina na a mba kal kur leud’a hAlonid’a d’i.

Jean 4:8

Mam suma hata a i wa hur azina á gus tena.

Jean 4:3

Kid’a Jesus mi wäd’u zla ndatid’a, mi ar Jude, mi hulong avo Galile.

Ma tchi wala 4:4

An we sun nda suma a nga lat ki ndak ka a nga he tazi kata, nala, nge nge pî mi lat ná kal ndrama. Wan pî, ni hawa hina yak d’igi sana mi dik simetna na.

Sawal la giled’a 106:16

Azi nga le yungôrâ kur kangâ yam Moise azi ki Aron ma Ma didina mi tinim iram vama.

Wana ni mbaktumba hi Job-pa 13:19

Ni nge mi tchi tuguyod’a ki sed’en nge? Le mi nga ni, an ni ba, ni mid’a.

Wana ni mbaktumba hi Job-pa 3:11

Ni kayam me ba, an mit sä kur asun nduo ge? Ni kayam me ba, muzugan mi dap sä ata yima an ndei woi kurutna d’uo ge?

1 Amuleina 19:4

wani mam tamba mi i iram abagei hur fulâ, mi le burâ sop ki tita, mi i kak kä ad’u agu ma gorâ, mi tchen Alona ala mi mid’a. Mi dala: Ma didina, ki tchetchemba, an ndak wa ang hlan muzuganu, kayam an kal nga abuyon ngolo d’i.

Ndumba 11:29

Moise mi hulong dum ala: Ang le ni yungôra kan ndju? Ladjï Ma didina mi b’rau Muzuk mama mi sum mama pet á djok vuna ni, tan mba d’i lan djivid’a ngola.

Ndumba 11:15

Le ang lan ni na ni, hotei ang tchanu. Le ang wan hohowonu ni, ar an we ndak manda ki iran ndi.

Zla d’a d’ogolâ 30:16

Nala, yima azuleina, atcha d’a gendreged’a, andaga d’a nga d’i hop ki mbina d’uo d’a, aku d’a nga d’i dala: Ndak wa! d’uo d’a.

1 Samuel 1:10

Anne nga kur hur ma hata, nga d’i tchen Ma didina ki simina irad’u.