Ad’u Tinda 3:19 - Bible azumeina

¹⁹ Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Ad’u Tinda 3:19 Referans Kwoze

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Wana ni mbaktumba hi Job-pa 34:15

suma pet a mba bo ni woi atogo hina zak, sana mba mi hulong kä aduk andaga d’a gugud’upa mi.

Sawal la giled’a 104:29

Le ang mbud’uzi azigangû ni, azi mbut mandarâ; le ang d’el muzuk mazid’a ni, azi mba bo, azi hulong mbut nandaga d’a gugud’upa.

Ad’u Tinda 2:7

Ata yima Ma didina Alona mi min sana kandaga d’a gugud’upina, mi fom muzugam ma he arid’ina atchinamu, sa máma mi mbut sama arina.

Sawal la giled’a 90:3

Ang nga mbut suma andaga d’a gugud’upa, ang nga dazi ala: Agi hulongôgi kä andaga.

Efes-sâ 4:28

Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

Ma tchi wala 3:20

Kayam ahlena pet a i nata yima tuna. Ahlena pet a tcholï naduk andaga d’a gugud’upa, a nga hulongî kä aduk andaga d’a gugud’upa mi.

Ad’u Tinda 18:27

Abraham mi hulong dum ala: Gola! An ve tan ad’enga á de zlad’a ki ang Salana, an mala nandaga d’a gugud’upa ki butna na.

Daniel 12:2

Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.

Ma tchi wala 1:3

Sana mi fe ni djiviya me ata sun nda mi lat ki kaud’a yam andagad’a ka hid’a ge?

Sawal la giled’a 22:15

Ad’engên dap pei d’igi mbiyo ma sid’am kä na na, ir asogon pat tei tutu pet, ve ta manda ti lau woi kurun d’igi dubangâ na.

Ad’u Tinda 23:4

An nangeina adigagiya. Agi han yina adigagi ka hî á tos mad’amanda kua; mi arî mana ki iran fafat.

2 Tasaloni’â 3:10

Kid’a ami nga ki sed’egi tua d’a, ami hagi vuna ala: Sama min le sunda d’uo na, ar agi hum tena d’i.

Sawal la giled’a 103:14

Mi we vama mi lei ki na, mi djib’er ala ei nandaga d’a gugud’upa.

1 Tasaloni’â 2:9

B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

Ma tchi wala 5:15

Wana ni vama tcho ma kalâ d’ei: Mba mi i ni abom hawa d’igi mi mbeï na, mba mi fe ni djiviya me yam sun nda mam kau tam kat hawa hina yaka ge?

Ma tchi wala 1:13

An he tan á hal ned’a, á fek ad’u ahlena pet suma a nga lazi ka hî yam andagad’ina. Wani ni sun nda kau d’a Alona mi tinit yam sumid’a!

Zla d’a d’ogolâ 21:16

Sama mi wal tam mbei ki lovot ta ned’ina mba mi ka’î zlapa ki suma matna.

Sawal la giled’a 22:29

Kayam Ma didina namul ma ngolâ, ni ma nga mi te yam andjaf sumina.

Wana ni mbaktumba hi Job-pa 21:26

Azi ki zla tazi djak a bur kä aduk andagad’a; atogo hina zak ndjuvulâ mi tchuguziya.

Wana ni mbaktumba hi Job-pa 19:26

Bugol la babagan b’lak keid’a, le hliwin mi b’lak kei pî, an mba ni gol Alona!

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

1 Korente-na 15:47

Adam ma avo’â, Alona mi lumî kandaga d’a gugud’upa, wani Adam ma mbàna mi tcholï nakulo.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.

Ad’u Tinda 3:18

Andagad’a mba d’i deyêng aweid’a ki hoholoma; ang mba tahlapma.

Wana ni mbaktumba hi Job-pa 4:19

mba mi fe tchod’a ata suma a nga kaka kur azì ma andagad’ina kal luo zu? Azi ni sumala a tcholï naduk andaga d’a gugud’upa suma a nga hazlazi woi d’igi ndjuvul ma gureina na na!

Sawal la giled’a 104:23

Ata yi máma sana mi nde á le sun mamba, mi le sun nda kaud’a gak fladege.

Sawal la giled’a 127:2

Agi tchologi akulo yorogo tcholol ni hawa na, agi tugugi tagi atogo d’uo ni hawa na mi. Agi nga kid’eyêgi iragi á fe tena. Ma didina nga mi he tena mi mam suma mam hurum vazina ata yima a nga bur senina.

Ad’u Tinda 5:5

Adam mi le bizad’a pet ni kikis zlengâ yam dok hindi, mi mid’a.

Wana ni mbaktumba hi Job-pa 10:9

Ang djib’era, ni ang ba lan d’igi vama lum ki lubu ma ab’lorinina na. Ki tchetchemba, ang min hulongôn kä aduk andaga d’a gugud’upa zu?