Ad’u Tinda 3:15 - Bible azumeina

¹⁵ An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Ad’u Tinda 3:15 Referans Kwoze

Romê-na 16:20

Alo ma hei b’leng nga halasina mi ar go á miret Seitan kä ad’u asegiya. Ar Saleina Jesus mi vagi sumad’a.

1 Jean 3:8

Sama nga mi le tchod’ina ni ma hi Diable-na, kayam Diable nga mi le tchod’a ni kad’u tinda dei. Alona Goroma mi nde tam mbei ná b’lak sunda hi Diable-d’a woyo.

Vama ndum mbeina 12:17

Dragona mi mbut ayîna, mi kak djangûna katcha ndata, mi i á dur ayîna kandjavat ma arâ ki suma pet suma a ge yazi kä ad’u vun ma hed’a hAlonina ki suma d’engzeng suma a nga tit yam gagazi d’a Jesus mi ndat teid’ina.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Galat-na 4:4

Wani kid’a yina ndaka, Alona mi sunï Gorom ma atchad’a ti vud’um ad’u gata hi Juif-fîd’a,

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Matiye 13:38

Asinena ni duniyad’a; andjaf ma djivina ni gro suma a mba te leud’ina; barumba ni Ma tchona groma.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.

Wana ni Zla d’a Djivi d’a Luc mi b’irita 10:19

Gola! An hagi ad’enga á miret guguyona ki hurd’ud’a kä ad’u asegiya, á kal yam ad’enga hi ma djangûnid’a pet mi; vama mba mi lagi tchod’ina nga d’i.

Sawal la giled’a 132:11

Ma didina mi gun tam mi David, gagazi, nga mi hulong bugol li; mi dala: Ni gorong ma kurungâ ba, an mba ni tinim á kak yam zlam mang nga amula blangângû.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.

Kolos-sâ 2:15

Christ mi yo ahle suma dur ayîna hi muzuk ma teteng ma tcho ma te yamba ki muzuk ma teteng ma ad’eng ma sä akulona woyo, mi tagazi woi pid’ak ala mi kus kazi nakulo ata agu ma b’ala.

Sunda hi suma a sunuzinid’a 13:10

Ang ma tcho ma mbut ira, ang Diable goroma, angî ma djangûna hahle suma djivina pet. Ni mindja ba, ang mba ar bei b’lak lovot ta d’ingêra hi Salad’id’a ge?

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.

Isai 53:12

Ni kayam ndata ba, an mba ni hum b’rau mamba ki suma nglona. Mam mba mi b’rau ahle suma a hurumuzï avun ayînina ki suma sib’ika kayam mi he tam mbei á matna. A ndumum zlapa ki suma tchila yam gata, kayam mi hle tchod’a hi suma ablaud’a kamu, mi tchen yam suma zlad’a nga kazina mi.

Mise 5:3

Gor ma a vud’um máma mba mi polozi kad’enga hi Ma didinid’a ki ngola hi Ma didina Alo mamid’a. Azi mba kak ki halasa, kayam suma a suburum gak avun dabid’a handagad’id’a.

Jeremi 31:22

Ndak gor wei d’a bei hum vuna ba d’a, ni mindja ba, ndak mba d’i ar tcha mak ka tatad’a woi ge? Kayam an Ma didina ni min nga vama awilina yam andagad’a, natchad’a ba, mba d’i hal mandjufâ.

1 Jean 5:5

Sama kus yam duniyad’a ni nge ge? Ni ma he gagazid’a ala: Jesus nAlona Goroma na hol.

Hebre-na 2:18

Wani ki tchetchemba, mi ndak á ndjun suma Seitan nga mi kuguzina, kayam a kugum mam tamba avok ata yima mi fe ndakina.

Efes-sâ 4:8

D’igi mbaktumba hAlonid’a ti de na ala: Ata yima mi tup akulona, mi yo suma dangeina ad’umu, mi he he d’a hawad’a mi suma.

Vama ndum mbeina 13:7

Alona mi aram lovota á dur ayîna ki sum mama mi kus kazi mi. Mi fad’enga yam andjafâ pet, yam suma pet, yam vun ma ded’a pet, yam andjaf suma lara ge pet mi.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

Wana ni Zla d’a Djivi d’a Luc mi b’irita 22:53

Burâ ki burâ an nga ki sed’egi kur gong nga kud’ora hAlonid’a, agi halan nga á ved’a d’i. Wani ki tchetchemba ni yi magina, nad’enga hi nduvundid’a mi.

Matiye 23:33

Agi guguyona, agi mageid’a grotna! Ni nana ba, agi mba ringîgi woi abo sariya d’a ka d’a ti tchugugi aduk aku d’a Jahanama-d’a ge?

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Romê-na 3:13

Horzlom delezi ni d’igi asu d’a vunat nga mala woid’a na. A nga lop suma ki zla mazid’a, zla d’a de d’a avunazid’a ni d’igi ayî mageid’a na,

Wana ni Zla d’a Djivi d’a Luc mi b’irita 1:76

Ang gorona, a mba yang ala ma djok vuna hAlo ma sä akulo ma kal teglesîna, kayam ang mba tit avok Salad’a á min lovot mamba,

Marik 16:18

Azi mba yo guguyona kaboziya. Le a tche ni kuma ma tchi matna pî, mba lazi va d’i. Azi mba tin abozi yam suma tugud’eid’a, a mba sud’uzi mi.

Matiye 1:25

Wani mi zlap nga ki sed’et ti, gak ti vut gorotna. Mi tinim simiyêm ala Jesus.

Ad’u Tinda 49:17

Dan mba mi mbut ni d’igi gugui ma kur lovotina na, d’igi magei d’a avun lovota d’a et akuluma dodogasemba sama kama mi puk kä kazigam na.

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Amos 9:3

Le azi i ngei akulo yam ahina d’a Karmel-la yat ta ked’iwurenga pî, an mba ni halazi kua, ni vigiziya; le a ngei iran kä kur alum ma ngolâ pî, an mba ni he vuna mi gugui ma aduk mbina kä na mba mi ed’eziya.

Wana ni Zla d’a Djivi d’a Luc mi b’irita 24:27

Jesus mi tin ad’ud’a kur mbaktumba hi Moise-sa ki d’a hi suma djok vun Alonid’a pet, nga mi vazi ad’ud’a kur mbaktumba hAlonid’a pet yam ahle suma a dazi kama.