Ad’u Tinda 29:32 - Bible azumeina

³² Lea ti ve wirâ, ti vut gor mandjufâ, ti yum ala Ruben, kayam ti dala: Ma didina mi we las manda; ki tchetchemba, ndjuvun mba mi le kanu.

Ad’u Tinda 29:32 Referans Kwoze

Gat ta a hat á mbàd’id’a 26:7

Ei tchi yam Ma didina Alona habuyoi ngolona. Mi humi deleya, mi wei djop vun meina ki ndak meid’a ki hohou meid’a mi.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Wana ni Zla d’a Djivi d’a Luc mi b’irita 1:25

Salad’a mi le ki sed’en hina á pat zulona kan ndei avok suma.

Sawal la giled’a 106:44

Ma didina, mi hum tchi mazina, mi wazi ndak mazid’a mi.

Sawal la giled’a 25:18

Ang wan hohou manda ki ndak manda, ang vat hurung ngei yam tcho manda pet.

2 Samuel 16:12

Dam Ma didina mba mi ngomon kur hohou manda, mba mi vrak djivid’a balum ge vun mam ma inina kanu.

1 Samuel 1:20

Kur biza ndata, ti ve wirâ, ti vut gorâ, ti yum ala Samuel, nala, An tchenem nabo Ma didina.

1 Samuel 1:11

Ti hlum vunat ala: Ma didin ma ad’engêm kal petna, le ang wan hohou manda gagazi, le ang djib’er kan ang maran nga d’uo, le ang han gorâ ni, an mba ni hangzi á le sun manga ki iram fafat. Wani sa mba mi welem yam mbuo mi.

Ad’u Tinda 42:27

Kid’a azi tchuk kä á burâ glovota, ma dingâ tu, mi but vun bid’im mamba á hawuna mi korona, mi fe bege mamba ged’a avun bid’imba.

Ad’u Tinda 42:22

Ruben mi de mi b’oziyoma ala: An dagi d’uo zu? An dagi ala: Agi lagi Josef tchod’a d’i, wani agi humun ndi. Gola! Ki tchetchemba, ei nga fei ndaka wana, ni yam mat mama.

Ad’u Tinda 31:42

Ladjï Alona habuna Alona habun ngolo Abraham ma abun Isak lum mandarama mi nga ki sed’en nduo ni, ang aran an i nabon hawa. Wani Alona mi wan ndak manda ki sun nda an lat kabonda, mi kan sariya manda kama andjege.

1 Sunda Hamuleinid’a 5:1

Ruben Israel gorom ma ngolâ groma ba wana: Kayam Ruben ni gor ma ngolâ, wani kid’a mi bur katchad’a habumid’a, ahle suma ngad’a kam yam ngol mambina a hazi woi mi Josef ma Israel goromina groma. Ni hina ba, a b’ir nga simiyê Ruben ngad’a yam ngol mamba d’uo ni na.

Ad’u Tinda 16:11

Gola! Nda’î wirâ, ndak mba d’i vut gorâ, ndak mba d’i yum ala Ismael, kayam Ma didina mi hum tchi mak ma hohoud’a.

Ad’u Tinda 37:29

Ruben mi hulong mba avun golonga, mi fe nga Josef fi, mi haû baru mamba woyo,

Ad’u Tinda 35:22

Wani ata yima Israel mi nga kaka kur ambas ndata tua na, Ruben mi i mi bur ki Bilha amam mba gora; Israel mi hum mi. Jakob groma ni dogo yam mbà.

Ad’u Tinda 29:31

Ata yima Ma didina mi wala Jakob hurum ve nga Lea d’igi Rachel hina d’uo na, mi malat lovota á vuta, mi b’al Rachel gendreged’a.

Ndumba 1:5

Wana ni simiyê suma agi yozina: Ad’u andjafâ hi Ruben-na ni Elisur Sedewur goroma;

Ad’u Tinda 35:23

Lea grotna ni Ruben ni Jakob gorom ma ngolâ, Simeon, Levi, Juda, Isakar ki Zabulon.

Gat ta a hat á mbàd’id’a 27:13

Wani andjafâ hi Ruben-na, hi Gad-na, hi Aser-râ, hi Zabulon-na, hi Dan-na ki ma hi Neftali-na, a tchol yam ahina d’a Ebal-la á ge vuna mi suma mi.

Ezekiyel 48:6

Andagad’a hi Ruben-nda ti tinï hagad’a ni ki d’a hi Efraim-mba abo ma yorogona gak ti i abo ma fladegena mi.