Ad’u Tinda 29:31 - Bible azumeina

³¹ Ata yima Ma didina mi wala Jakob hurum ve nga Lea d’igi Rachel hina d’uo na, mi malat lovota á vuta, mi b’al Rachel gendreged’a.

Ad’u Tinda 29:31 Referans Kwoze

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

1 Samuel 2:21

Ma didina mi djib’er yam Anne, ti vut gro andjofâ kua hindi, gro aropma mbà mi. Wani Samuel nga mi wul avok Ma didina.

Sawal la giled’a 127:3

Gagazi, grona ni he d’a hawad’a hi Ma didinid’a, gro suma azi nga vud’uzina ni wurak mazid’a mi.

1 Samuel 1:5

Wani mi he mi Anne hliuna ngola kala, kayam mam le kat heî, wani Ma didina mi b’alat gendreged’a.

Gat ta a hat á mbàd’id’a 21:15

Moise mi de kua ala: Le sana mi nga karopma mbà, le hurum ve d’a dinga kal la hid’a, le azi djak a vud’um grona, wani le d’a mam le kat ngol luo d’a ti vud’um gor mandjufâ avogo ni,

Ad’u Tinda 20:18

Kayam adjeu Ma didina mi b’al arop suma avo hi Abimele’â gendreged’a, kayam mi ve Sara atchad’a hi Abraham-mba.

Buzuk ka Abud’a 3:7

Mi dum kua ala: An we djop vuna hi man suma avo Ezipte-na, an hum tchi mazi ma abo suma a nga djobozi vunazina, kayam an we ta mazi d’a ted’a.

Ad’u Tinda 29:30

Jakob mi ge Rachel huyogomu, hurum vat ngola kal Lea. Mi le sunda mi Laban kua bizad’a kid’iziya.

Jean 12:25

Sama le yam tama, mba mi ba tam mbeyo, wani sama noî tam mbei kur duniyad’ina, mba mi fe ari d’a didinda.

Wana ni Zla d’a Djivi d’a Luc mi b’irita 14:26

Le sana mi mba gevenu, mi noî nga abum azi kasum kamamba ki groma ki b’oziyom suma andjofâ ki suma aropma mi noî nga mam tamba woi d’uo ni, mi ndak nga man ma hata d’i.

Wana ni Zla d’a Djivi d’a Luc mi b’irita 1:7

Wani azi vut nga gor ri, kayam Elizabet ti ni gendreged’a, azi djak a djeng mamara mi.

Ad’u Tinda 30:22

Bugola, Alona mi djib’er yam Rachel, mi humud’u, mi malat lovota á vuta.

Ad’u Tinda 27:41

Esau mi ve Jakob kurum kayam b’e vun ma abum mi b’amzi kama, mi de kurum ala: Bur ma matna habuna mi ar go; kur bur máma, an mba ni tchi wiyena Jakob.

Ad’u Tinda 25:21

Isak mi tchen Ma didina yam amamba, kayam ndat ni gendreged’a. Ma didina mi hum tchen mamba; amamba Rebeka ti ve wirâ.

Malatchi 1:3

wani an noî Esau. An mbut ahuniyô mama vama hohoud’a, an he djo mama mi hâ ma hur fulîna.

Matiye 6:24

Jesus mi had’azi kua ala: Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi á lagi sunda mAlona ki beged’a djak ki.

1 Samuel 1:27

Wana ni gor ma an tchenem aboma, mi handji wana.

1 Samuel 1:20

Kur biza ndata, ti ve wirâ, ti vut gorâ, ti yum ala Samuel, nala, An tchenem nabo Ma didina.

Ad’u Tinda 16:1

Sarai atchad’a hi Abram-mba ti vud’um nga gor ri, wani ndat nga ki magom mba Ezipte d’a a yat ala Agar-ra.

Sunda hi suma a sunuzinid’a 7:8

Alona mi djin vunam ki sed’em á ngat bayâd’a. Kid’a Abraham mi vut Isak-ka, mi ngad’am bayâd’a kur bur ma klavandina. Isak mi vut Jakob, mi ngad’am bayâd’a, Jakob mi vut abuyoi ngolo suma dogo yam mbàna, mi ngad’azi bayâd’a mi.

Ad’u Tinda 29:32

Lea ti ve wirâ, ti vut gor mandjufâ, ti yum ala Ruben, kayam ti dala: Ma didina mi we las manda; ki tchetchemba, ndjuvun mba mi le kanu.

Ad’u Tinda 35:23

Lea grotna ni Ruben ni Jakob gorom ma ngolâ, Simeon, Levi, Juda, Isakar ki Zabulon.

Wana ni mbaktum mba a b’irit yam Rut-ta 4:13

Bowas mi ve Rut atchad’a, mi zlap ki sed’ed’u. Ma didina mi b’e vunam kad’u, ti ve wirâ, ti vut gor mandjufâ.

Ad’u Tinda 11:30

Sarai ni gendreged’a, nga d’i vut ti.