Ad’u Tinda 29:25 - Bible azumeina

²⁵ Kid’a yina fod’a, Jakob mi gol wani, doli ni Lea! Jakob mi de mi Laban ala: Ang lan ni me hina ge? An lang sunda ni yam Rachel luo zu? Ni kayam me ba, ang mbud’un iran nge?

Ad’u Tinda 29:25 Referans Kwoze

Matiye 7:2

Alona mba mi kagi sariyad’a kagi ni d’igi agi nga kat yam suma dingâ na mi. Mi mba mi ngagi ni ki nga d’a agi nga ngagi ki mi suma dingîd’a mi.

Zla d’a d’ogolâ 11:31

Le sama d’ingêrâ nga mi fe wurak mamba yam andagad’a ka hî ni, sama asa’atna ki ma le tchod’a a mba fe wuraka ngola kal luo zu?

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

1 Korente-na 3:13

sunda hi nge nge pî ad’ut mba d’i nde woi ni kur bur ma ka sariyad’a. Kur bur máma a mba ndat tei ni kakud’a, kayam akud’a mba d’i kuk sunda hi nge nge pî á tagat tei abua.

Suma ka sariyad’a 1:7

Adoni-Bezek mi dala: Amulei suma dok kid’iziya suma an ngad’azi tchitchid’azi d’a mudugunei d’a abozid’a ki d’a asezid’a woina, a yo bubuk te ma yak kä ad’u tabul manina. Alona mi hulongôn ni wuraka yam sun man nda an lata. Azi vum a i ki sed’em sä Jerusalem; mi mit sä kua.

Ad’u Tinda 12:18

Wani Faron mi yi Abram, mi dum ala: Ang lan ni me na ge? Ni kayam me ba, ang dan ala namanga d’uo ge?

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Matiye 7:12

Kayam ndata, ahlena pet suma agi min suma lagizina, agi lazi mi suma dingâ na mi. Wana agi ndagagi ni vun gata hi Moise-sa ki hata hi suma djok vun Alonid’a.

Ad’u Tinda 20:9

Bugola, Abimelek mi yi Abraham, mi dum ala: Ang lami ni me na ge? An langî tchö me ba, ang tinimi tcho d’a ngola kami ki leu manda na ge? Ang lan ni vama sana mi ndak á lum mbuo na.

Ad’u Tinda 26:10

Abimelek mi dum ala: Ang lami ni me hina ge? Arî hina nde á sama aduk sum manina mi zlap kamanga, hina ni ang mbami ni zlad’a kami d’uo zu?

Ad’u Tinda 29:24

Laban mi he wei mamba Zilpa mi goromba Lea á kak wei mata.

Ad’u Tinda 29:26

Laban mi hulong dum ala: Yam andaga mamid’a ka hî wani, sana nga mi he gorom mba gora ndjufâ avok ka ngola d’i.

Ad’u Tinda 31:7

Wani abugi mi lan iranu, mi mbud’un wurak manda yam dogo, wani Alona mi aram nga á lan vama tcho d’i.

Wana ni mbaktum mba a b’irit yam Rut-ta 4:11

Suma nglona ki suma pet suma a nga kaka kä ata yi mámina a dala: Â, ami ni suma glangâsâ. Ar Ma didina mi b’e vunam yam atcha d’a ang nga vata; ar ti mbut ni d’igi Rachel azi ki Lea, aropma hi Jakob suma mbà suma a tin ad’u andjaf Israel-lîna na. Ar ang ka’î sama ndjondjoîna aduk andjafâ hi suma Efrat-na; ar simiyêng mi yï kur ambas sa Betelehem-mba mi.

1 Samuel 28:12

Kid’a atcha ndata ti we Samuel-la, ti er ad’ut akulo ki delet ta ngola, ti de mi Saul ala: Ni kayam me ba, ang mbud’un iran nge? Ni ang Saul!

Ad’u Tinda 29:16

Wani Laban grom suma aropma nga mbà, d’a ngola a yat ala Lea, d’a gora a yat ala Rachel.

Ad’u Tinda 31:26

Laban mi de mi Jakob ala: Ang le ni me hina ge? Ni kayam me ba, ang lan lemba, ang yoï grona d’igi ang yozi navun ayî ma durâ na ge?