Ad’u Tinda 29:2 - Bible azumeina

² Bur tu mi gol iram hina wani, mi we golonga nga abagei kur asinena; ades tumiyôna hindi a nga burâ kä avunad’u, kayam azi tche ni golong ndata. Ahina d’a ngola ti nga duka avunad’u.

Ad’u Tinda 29:2 Referans Kwoze

Jean 4:6

Ata yi máma, golonga hi Jakob-pa nga kua. Kayam Jesus mi kau abo tita, mi kak kä avun golonga kafata faleya.

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Sawal la giled’a 23:2

Nga mi tinin ata hat ma nguloma, nga mi tinin avun mbiyo ma d’igil ma hirwilingâ.

Ad’u Tinda 24:13

Gola! An ni nga tchola avun golonga; gro arop suma kur azì mamina a mba buzugï ini á gul mbina.

Ad’u Tinda 24:11

Mi mba go, mi grif djambala kä avun golonga huyok azina ki fladege d’a aropma a nga go mbinid’a.

Ad’u Tinda 24:10

Azong máma mi yo djambala hi salamid’a dogo, mi i kahle suma djivina teteng suma salama humuzi aboma, mi tchol mi i yam andaga d’a Mesopotami-d’a kur azina hi Nahor-râ.

Ad’u Tinda 29:3

Ata yima azi mba kaho’â petna, a ligat ahinad’a woi avun golonga, a haho’â mbina. Bugol azi hulong ahinad’a duka avun golonga.

Suma ka sariyad’a 5:11

Ata yima suma a gul mbina kuana, suma go mbina a mba de woi yam djivid’a hi Ma didinid’a, a mba de woi yam djivi mam mba mi lat ki suma nglona hi Israel-lîd’a. Ata yi máma suma hi Ma didinina a i ndjar rei avun azina.