Ad’u Tinda 29:17 - Bible azumeina

¹⁷ Lea irat ta gola ni ndü, wani Rachel ti djif heî.

Ad’u Tinda 29:17 Referans Kwoze

Ad’u Tinda 12:11

Ata yima azi mbaza go á kal avo Ezipte-na, Abram mi de mamamba Sarai ala: An we nda’î atcha d’a djifâ;

Matiye 2:18

A hum dela avo Rama. Suma a nga tchi tchi ma hohoud’a ngola. Rachel nga d’i tchi yam grotna, ti min b’leng hur ma suma a b’lengêt tchina d’i, kayam grotna a mid’a d’a.

Jeremi 31:15

Ma didina mi dala: A hum dela avo Rama. Ni hor ma tchina, ni tchi ma hat hurâ mi. Rachel nga d’i tchi yam grotna, ti noî b’leng hur ma suma a b’lengêt tchina yam grotna, kayam a bo da’.

Zla d’a d’ogolâ 31:30

Mbut tang djivid’a ir suma ni mbut ira, djifâ ni vama kal leina, wani atcha d’a nga d’i le mandara Ma didinid’a, ti ndak á subura.

1 Samuel 10:2

Ata yima ang wal ini ki sed’en wana, ang mba ngaf ini ki suma mbà yam andaga d’a Benjamin-nda, go ki Selsa yam asud’a hi Rachel-la. Azi mba dang ini ala: Koro d’a ang halata a fat wa. Abung nga mi djib’er kat tuo d’a, wani nga mi djib’erî kayam angû, mi nga dala: An le ni nana ba, ni fe gorona ge?

Ad’u Tinda 48:7

An nga ni le na ni yam asung Rachel. Kid’a an tcholï Padan-Aram-mba, ti mba d’i mit abon glovot yam ambas sa Kanan-nda, ar go a kal Efrata. An tozot sä avun lovot ta i Efrata-d’a. Efrata ni Betelehem.

Ad’u Tinda 39:6

Kayam ndata, Potifar mi ar ahle mama pet abo Josef; vama ar rei nga d’i, ni te ma mam tuma hol. Wani Josef nazong ma djif heîna.

Ad’u Tinda 35:24

Rachel grotna ni Josef ki Benjamin.

Ad’u Tinda 30:22

Bugola, Alona mi djib’er yam Rachel, mi humud’u, mi malat lovota á vuta.

Ad’u Tinda 29:18

Jakob hurum ve Rachel, mi de mi Laban ala: An mba ni lang sunda bizad’a kid’iziya yam gorong nga gora Rachel.

Ad’u Tinda 24:16

Gor atcha ndata, ti djif heî, ndat ni gor wei d’a ngaf nga ki mandjuf fuo d’a, ti djak kä golongô, ti oî agel mata ki mbina, ti djak akulo.

Ad’u Tinda 12:14

Kid’a Abram mbaza avo Ezipte-d’a, Ezipte-na a wamamba ti djif heî.

Ad’u Tinda 26:7

Suma kur azì mámina a djobom yam amamba; mam dazi ala ni wiyemba. Mi le ni mandarâ ala le mi dazi ala namamba ni, sum ndazina a mba tchum kla ge, kayam Rebeka ti djif heî.

Ad’u Tinda 29:16

Wani Laban grom suma aropma nga mbà, d’a ngola a yat ala Lea, d’a gora a yat ala Rachel.

Ad’u Tinda 29:30

Jakob mi ge Rachel huyogomu, hurum vat ngola kal Lea. Mi le sunda mi Laban kua bizad’a kid’iziya.