Ad’u Tinda 27:2 - Bible azumeina

² Isak mi dum ala: An mbut ni mamara, an we nga burun ma matna d’i.

Ad’u Tinda 27:2 Referans Kwoze

Jacques 4:14

Agi wagi nga vama mba ndjivina d’i. Agi ni me ge? Agi suma d’igi amborogei d’a ti ge ndjö bugola ti b’rau woid’a na na, agi ni me ko ge?

Marik 13:35

Agi kagagi ki ndjola, kayam agi wagi nga yima sama azina mba mi mba kuana d’i, le mi mba ni vunavuna kla, andjege dangâla kla, ata yima ahle’â mi helâ kla, yorogo tcholol kla.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Zla d’a d’ogolâ 27:1

Ar ang subur tang yam vama lavina d’i, kayam ang we nga vama nga mi mba kur bur ma tunina d’i.

Isai 38:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

Isai 38:1

Kur atchogoi ndata Ezekiyas mi ve tugud’eid’a á matna. Ma djok vun Alona Isai Amot goroma mi mba gevemu, mi dum ala: Ezekiyas, Ma didina mi dala: Ang min ahligiyeng ki tchetchemba, kayam ang mit ni mid’a, ang nga tchol akulo d’uo d’a.

1 Samuel 20:3

David mi de mi Jonatan kua ki gun tad’a ala: Abung mi we woi tetet ala ang hurung vanu. Dam mi de wa kurum ala: Ar Jonatan mi we zla ndata tala hurum zal d’a d’i. Wani Ma didina ni Ma bei matna, ang nga ki irang wan mi, adigami nga dei ki matna d’i.

Ad’u Tinda 48:21

Israel mi de mi Josef ala: Gola! An nga ni mid’a, wani Alona mba mi kak ki sed’egiya, mba mi hulongôgi yam ambasa habuyogi ngolod’a.

Ad’u Tinda 47:29

Kid’a Israel mi ar go á matnid’a, mi yi goroma Josef, mi dum ala: Le ang hurung vanu ni, an nga ni tchenengû, ang kal abong ad’u ab’alan kä, ang le djivid’a ki sed’en ki d’engzenga, ang tozon ka hî Ezipte d’i.

Ad’u Tinda 27:3

Ki tchetchemba, an nga ni dangû, ang yo ahle mang suma sïna, ang i nduwanda, ang tchanï azarâ,