Ad’u Tinda 25:34 - Bible azumeina

³⁴ Jakob mi hum avungôna kalit ma kura; Esau mi te, mi tche, mi tchol mi iya; ni hina ba, Esau mi gol ngol mamba is.

Ad’u Tinda 25:34 Referans Kwoze

1 Korente-na 15:32

Wani le an ndjiget kambureina avo Efes ni yam d’alâ hi sana ni, mbiyo ma an fuma ni me ge? Le suma matna a mba tchol akulo d’uo ni, ar ei teya, ar ei tcheya, kayam avin ei boya, d’igi zla d’a d’ogola ti de na.

Isai 22:13

Wani agi nga ayâgiya, agi nga lagi furîd’a, agi nga tchagi amuzleina, agi nga tchagi aho’â, agi nga mud’ugi hliuna, agi nga tchagi süm guguzlud’a, agi nga dagi ala: Ei teya, ei tcheya, avin ei boya!

Sunda hi suma a sunuzinid’a 13:41

Agi gologiya! Agi suma gologi zlad’a isâ, agi mba lagi atchap, agi mba bagi woyo. Kayam an mba ni le sunda kur atchogoi magid’a, ni sun nda le sama ding mi dagizid’a pî, agi mba hagi gagazid’a kat tuo d’a.

Matiye 26:15

Mi dazi ala: Le an hagi Jesus abogiya ni, agi mba han ni me ge? A hum bege d’a hapa dok hindi.

Matiye 22:5

Wani azi golom ta, a tchuk tazi, a iya. Ma dingâ mi i kur asinemu, ma hina mi i mbut abomu.

Zakari 11:13

Ma didina mi dan ala: Ang tchuk bege d’ala ni wurak man nda zlat ngola iraziya d’a kä mi ma min deina. An yo bege d’a hap pa dok hindi ndata, an tchugut kä kur gong nga kud’ora hi Ma didinid’a mi ma min deina.

Ma tchi wala 8:15

Kayam ndata, an nga ni he ngola mi furîd’a, kayam vama djivi ma yam sana ka hî yam andagad’ina nga d’i. Ni ted’a ki tched’a ki furîd’a hol. Wana ni vama djivi ma ki sed’em kur sun mamba kur bur ma Alona mi humzi yam andagad’a ka hina.

Sawal la giled’a 106:24

Bugola, azi gol ambas sa djivid’a is, azi he nga gagazid’a yam zla mam mba ded’a d’i.

Ad’u Tinda 25:29

Wani bur tu, ata yima Jakob nga mi min te ma djivinina, Esau mi tcholï abagei ata yima nduwanda, mi seî heî,

Ad’u Tinda 25:33

Wani Jakob mi dum ala: Ang gunun tang tua. Ata yi máma Esau mi gunum tamu, mi gus ngol mamba woi abo Jakob.

Ad’u Tinda 26:1

Baktarad’a ti nde yam andagad’a d’igi ti ndadjeu kur atchogoid’a hi Abraham-mba na mi. Isak mi i Gerar avo hi Abimelek amul ma Filistê-na.

Ad’u Tinda 27:32

Isak mi hulong dum ala: Ni ang nge ge? Mi hulong dum ala: Ni an gorong ma ngolâ Esau.