Ad’u Tinda 25:21 - Bible azumeina

²¹ Isak mi tchen Ma didina yam amamba, kayam ndat ni gendreged’a. Ma didina mi hum tchen mamba; amamba Rebeka ti ve wirâ.

Ad’u Tinda 25:21 Referans Kwoze

Esdras 8:23

Ni kayam ndata ba, ami d’elemi tami bei te tena, ami tchenemi Alo meina; mi humumi mi.

Wana ni Zla d’a Djivi d’a Luc mi b’irita 1:13

Wani malaikana mi dum ala: Zakari, ang le mandar ri, kayam Alona mi hum tchen manga. Amanga Elizabet mba d’i vut gorâ, ang mba tinim simiyêm ala Jean.

Isai 58:9

Ata yi máma agi mba yagi Ma didina, mam mba mi humugiya. Agi mba eregi ad’ugi akulo, Ma didina mba mi hulong dala: An wana! Le agi aragi bei tinigi aneka kel suma, le agi aragi bei d’ek suma, le agi aragi zla d’a de d’a asa’ata mi suma,

2 Sunda Hamuleinid’a 33:13

Mi tchenemu. Ma didina mi hum tchen mam mba hud’a, mi wum hohowomu, mi hulongôm avo Jerusalem kur leu mamba. Ata yi máma Manase mi wala Ma didina nAlo ma iratna.

1 Sunda Hamuleinid’a 5:20

A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu.

1 Samuel 1:27

Wana ni gor ma an tchenem aboma, mi handji wana.

Wana ni Zla d’a Djivi d’a Luc mi b’irita 1:7

Wani azi vut nga gor ri, kayam Elizabet ti ni gendreged’a, azi djak a djeng mamara mi.

Isai 45:11

Ma didin ma tin tam irat vat yam Israel ma mi minima mi dala: Na ni sana ndak á djobon yam vama nga mbana, d’oze mi han vuna yam grona ki sun nda an lat kabonda mi zu?

Zla d’a d’ogolâ 10:24

Vama sama asa’atna nga mi lum mandarama, ni mam ba, mba mi mba kamu, wani vama suma d’ingêrâ a nga minima, Alona mba mi haziziya.

Sawal la giled’a 91:15

Le mi yanu ni, an mba ni humumu. An mba ni ndjunum kur ndak mamba, an mba ni prud’um mbeyo, an mba ni suburum mi.

Ad’u Tinda 11:30

Sarai ni gendreged’a, nga d’i vut ti.

Sawal la giled’a 145:19

Mi nga ndak vun minda hi suma a nga lum mandarama, nga mi hum tchi mazina, nga mi sud’uzi mi.

Sawal la giled’a 127:3

Gagazi, grona ni he d’a hawad’a hi Ma didinid’a, gro suma azi nga vud’uzina ni wurak mazid’a mi.

Sawal la giled’a 65:2

Alo mana, kur azì ma Siyon-na, nge nge pî mi ndak á gilengû, mi ndak á ndak vun vama mam hlang vunam kama mi.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

1 Samuel 1:11

Ti hlum vunat ala: Ma didin ma ad’engêm kal petna, le ang wan hohou manda gagazi, le ang djib’er kan ang maran nga d’uo, le ang han gorâ ni, an mba ni hangzi á le sun manga ki iram fafat. Wani sa mba mi welem yam mbuo mi.

1 Samuel 1:2

Elkana mi vik aropma mbà, Anne azi ki Penina; Penina ti nga ki grona, wani Anne ti nga ki gor ri.

Ad’u Tinda 16:2

Sarai ti de mi ndjuvut Abram ala: Ang gola, Ma didina mi d’elen bei vuta; ang ve magom manda, dam an mba ni fe gor atat kla. Abram mi hum vun Sarai.

1 Samuel 1:17

Ata yi máma Eli mi hulong dat ala: Ndak i lafiya; ar Alona hi Israel-lîna mi hak vama ndak tchenem kama.

Ad’u Tinda 30:22

Bugola, Alona mi djib’er yam Rachel, mi humud’u, mi malat lovota á vuta.