Ad’u Tinda 24:42 - Bible azumeina

⁴² Ni kayam ndata ba, an mba ini avun golonga, an de mAlona ala: Ma didina, Alona hi salana Abraham-ma, le ang min gagazi ala akoi man nda an nga ni tid’ita ti ve kanu ni,

Ad’u Tinda 24:42 Referans Kwoze

Nehemi 1:11

Salad’a, ang tin humang hum tchen nda an azong mangâ nga ni tchenenga ki tchenda hazungeî mang suma a nga lang mandarangâ, ang wan hohowon an azong mangâ avok amul máma ini. Kur biza ndata an ni ma ni he süma mamulîna.

Romê-na 1:10

An nga ni tchen Alona teteu ala le mi mina ni, mi malan lovota á iza hatagiya.

Sawal la giled’a 90:17

Salad’a Alo mamina, ar ang vami sumad’a! Ang ar sirami sun mami d’a abomid’a. Gagazi, ang sira sun ndata abomiya!

Sawal la giled’a 37:5

Ang ar zla manga mi Ma didina, ang deng tang atamu; mam mba mi le sunda kat mi.

Esdras 8:21

Ata yima ami nga avun alum ma Ahava mámina, an he vuna ala ami d’elemi tami bei te tena, ami gami yami kä avok Alo meina, ami tchenem mi ndjunumi ki gromina kahle mamina pet kur tit mamid’a mi.

Sunda hi suma a sunuzinid’a 10:22

Azi dum ala: Kornei ma azigarâ abom kis ma Romê-na mi sunumï ni mamu, ni sama d’ingêr ma nga mi le mandara Alonina, ni ma Juif-fâ pet a nga le glangâs ma djivina kama. Alona mi sun malaika mama, mi hum vuna á yangî avo hatam á hum zla d’a avunanga.

Ad’u Tinda 39:3

Salama Potifar mi wala Ma didina mi nga ki Josef, kayam ahle suma mi lazina pet, a nga le djivid’a abomu.

Ad’u Tinda 24:31

Laban mi dum ala: Sama Ma didina b’e vunam kama, ang mbeya; ni kayam me ba, ang tchol lei abu ge? An min nga hur gonga ki yina yam djambala mi.

Ad’u Tinda 24:11

Mi mba go, mi grif djambala kä avun golonga huyok azina ki fladege d’a aropma a nga go mbinid’a.

Ad’u Tinda 24:27

mi dala: An le mersi mi Ma didina Alona hi salana Abraham ma tak djivi mamba ki d’engzeng mamba woi mi salanina; mi ngomon kur lovota gak mi mban avo hi salana Abraham wiyema.

1 Samuel 1:13

Mi golot vunat nga mi le mimizek, wani mi hum nga del la de zlad’a d’i, kayam Anne nga d’i tchen ni kurut krovo. Eli mi djib’er ala ti gurut ni ki süma.

1 Samuel 9:6

Azong máma mi hulong dum ala: Ang djuba! An we kur azì ma avorei wana sama djok vun Alona nga kua, ni sama zlam nde yina heîna; ahlena pet suma mam nga mi dazina, a nga le ata yazi hina mi. Ki tchetchemba, ei i goleiziya. Dam mba mi tagei lovot ta ei mba hleizid’a.