Ad’u Tinda 24:35 - Bible azumeina

³⁵ Ma didina mi b’e vunam yam salana ngola heî, mi mbud’um sama ndjondjoîna, mi hum tumiyôna kamuzleina, bege d’a hapa ki lora, magumei suma andjofâ ki suma aropma, djambala ki korona mi.

Ad’u Tinda 24:35 Referans Kwoze

Ad’u Tinda 24:1

Abraham mi mbut mamara bizam ngola; Ma didina mi b’e vunam kam kur sun mamba led’a pet.

Ad’u Tinda 13:2

Abram ni sama bege d’a heîna; mi nga ki d’uwarâ, bege d’a hapa ki lora mi.

Zla d’a d’ogolâ 10:22

B’e vuna hi Ma didinina nga mi mbut sana ma ndjondjoîna, wani nga mi hum hur ma wura kam kua hina nde d’i.

Sawal la giled’a 107:38

Mi b’e vunam kaziya, mi zuluzi ablaud’a; d’uwar mazina mi feî nga d’uo mi.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Sawal la giled’a 18:35

Mi had’an á dur ayîna, mi han ad’enga á gan kawei ma hleuna yeûd’a.

Ad’u Tinda 25:11

Bugol matna hi Abraham-ma, Alona mi b’e vunam yam goroma Isak; mam i mi kak avun golong nga Lahai-Royi-d’a.

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.

Sawal la giled’a 112:3

Avo hi sa máma, ang fe ni duzîd’a ki ndjondjoîd’a, d’ingêr mamba ti nga kaka gak didin mi.

Wana ni mbaktumba hi Job-pa 1:3

Tumiyô mama ni 7000, djambala ni 3000, amuzlei suma zuma ni kakapa 500, koro d’a aropma ni 500, suma a lum sundina ablaud’a heî mi. Ni sama ngol ma kala aduk suma abo ma yorogo suma mam nga kaka adigazina.

Ad’u Tinda 49:25

NAlona hi an abungâ ba, mba mi ndjunungû, Alo ma ad’engêm kal petna, mi b’e vunam kangû, mi b’e vunam kang ki mbiyo ma akulona, mi b’e vunam kang ki mbiyo ma kä ad’u andagad’ina mi, mi b’e vunam kang ki grona ki d’uwarâ mi.

Ad’u Tinda 12:16

Ni kat ba mi le Abram djivid’a, mi hum aho’â kamuzleina, azungeîna ki yuguneina, koro ma andjofâ ki korod’a aropma ki djambala mi.

Zla d’a d’ogolâ 22:4

Sama mi ge yam kä, mi le mandara Ma didinina, mba mi fe ni ndjondjoîd’a ki subura, mba mi te tatâ mi.

Wana ni Zla d’a Djivi d’a Luc mi b’irita 12:45

Wani le azong máma mi de kurum ala: Salana mba mi mba atogo d’i, mi nde mi to azungeî suma dingâ ki yuguneina, mi te, mi tche gak mi gurut ki süma ni,

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Ad’u Tinda 25:5

Abraham mi hahle mama pet mi Isak,

Ad’u Tinda 30:43

Ni hina ba, Jakob mi mbut sama ndjondjoîna, mi nga kaho’â ablaud’a, yuguneina, azungeîna, djambala ki korona mi.