Ad’u Tinda 24:26 - Bible azumeina

²⁶ Sa máma mi grif kä avok Ma didina, mi kud’uromu,

Ad’u Tinda 24:26 Referans Kwoze

Ad’u Tinda 24:48

An grif kä avok Ma didina, an suburumu, an le mersi mAlona hi salana Abraham ma ngomon mi tagan lovot ta d’ingêra kur tit manda tala an ve salana wiyema gorom ngolod’a mi goroma d’a.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Ad’u Tinda 24:52

Ata yima azongâ hi Abraham-ma mi hum zla ndatina, mi grif kä andaga avok Ma didina.

Buzuk ka Abud’a 12:27

agi hulong dazi ala: Ni vun til ma Pak ma a ngat buzuna á he ngola mi Ma didin ma kal yam azina hi Israel-lâ avo Ezipte-na. Ata yi máma mi tchi Ezipte-na, mi ngomomi amiya. Ata yi máma Israel-lâ a grif kä andaga a kud’or Ma didina.

Filip-ma 2:10

Yam simina hi Jesus-na, guguf ma lara ge pet ma hi suma sä akulona ki ma hi suma kä yam andagad’ina ki ma hi suma kä ad’u andagad’ina, mi grif kä avoromu,

Mise 6:6

Agi nga dagi ala: Ei i avok Ma didina ni ki me ge? Ei grivi kä avok Salad’a Alo ma sä akulo ma kal teglesâ ni ki me ge? Ei humî gor amuhl ma bizam tuna vama ngat buzu ma ngala zu?

Sawal la giled’a 95:6

Agi mbeyegïya, agi grivigi kä, ei kud’oreigi Ma didin ma leina.

Sawal la giled’a 72:9

Andjaf suma abagei hur fulîna, a mba grif kä avoromu, mam suma djangûna a mba trâ andaga d’a gugud’upa kä avorom mi.

Sawal la giled’a 66:4

Suma yam andagad’ina pet a grif kä, a gileng ki sawala, a gileng simiyêng mi. Tchol ndjö

Sawal la giled’a 22:29

Kayam Ma didina namul ma ngolâ, ni ma nga mi te yam andjaf sumina.

Nehemi 8:6

Esdras mi subur Ma didina Alo ma ngolâ. Suma pet a yo abozi akulo, a hulong humba ala: Amin! Amin! A tchok yazi kä, a kud’or Ma didina ki irazi kulupa kä andaga.

2 Sunda Hamuleinid’a 29:30

Amulâ Ezekiyas ki suma nglo suma sunda a de mi suma hi Levi-na ala a subur Ma didina ki sawal la David azi ki Asaf ma djok vun Alona a hlata. A hlat ki furîd’a. Bugola, a grif kä andaga a kud’or Ma didina.

2 Sunda Hamuleinid’a 20:18

Josafat mi grif kä ki iram andaga, suma Juda-na pet ki suma Jerusalem-ma a grif kä avok Ma didina á kud’urom mi.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

Buzuk ka Abud’a 34:8

Moise mi grif kä atogo zak, mi kud’or Ma didina.

Ad’u Tinda 22:5

mi de mazungeî mama ala: Agi kagagi nga ka hî ki korona; ami ki gorona imi sä hî á kud’uromi Alona, ami mba hulongômi gevegi tua.

Ad’u Tinda 24:25

Hatna ki tena nga hatami ngola, yima burâ nga mi.

1 Samuel 1:28

Kayam ndata, an hum mi Ma didina ki iram fafat; mam arî mama. Azi grif kä avok Ma didina, a kud’uromu.

Suma ka sariyad’a 7:15

Kid’a Zedeyon mi hum zlad’a hadïd’id’a kad’u mat ta ved’a peta, mi grif kä andaga, mi le mersi mAlona, mi hulong kur kangâ Israel-lîna, mi dazi ala: Agi tchologi akulo, kayam Ma didina mi hagiya wa kangâ hi suma Madiyan-nina abogi da’!