Ad’u Tinda 21:9 - Bible azumeina

⁹ Bur tu Sara ti we Ismael Agar ra Ezipte-d’a gorot ma ti vud’um mi Abraham-ma, nga mi las Isak.

Ad’u Tinda 21:9 Referans Kwoze

Ad’u Tinda 16:15

Agar ti vut gorâ, abum Abram mi yum ala Ismael.

Galat-na 4:29

D’igi adjeu gor ma a vud’um kur minda hi sanina mi djop vun ma a vud’um yam ad’enga hi Muzu’â hAlonina na, ki tchetchemba, ni na mi.

Galat-na 4:22

Kayam a b’ir kur mbaktumba hAlonid’a ala Abraham mi nga ki grona mbà; ma tuna asumî magomba, ma dingâ asumî gor vuta.

Ad’u Tinda 16:1

Sarai atchad’a hi Abram-mba ti vud’um nga gor ri, wani ndat nga ki magom mba Ezipte d’a a yat ala Agar-ra.

Hor ma tchina 1:7

Ata yima Jerusalem ti nga kur hohoud’a nga d’i tcha tata na, ti djib’er yam ahle suma djivi suma ndat nga ki sed’ezi adjeuna pet. Ata yima sum matna a ndabo mazi suma a lazi murud’umbina bei ti fe sa á ndjunut ba na, mat suma djangûna a wad’u, a nga san ad’u puk mat ta kä d’a.

Zla d’a d’ogolâ 20:11

Gogorâ le tit mamba ni yed’et toze ni d’ingêru ni, suma a wumî ata sun mam mba led’a.

Sawal la giled’a 42:10

Alo ma ndjununa, an nga ni dangû, ni kayam me ba, ang maran ndei ge? Ni kayam me ba, ang aran kur ndaka abo man suma djangûna na ge?

Sawal la giled’a 22:6

A tchi kangû; ang sud’uziya; a deng tazi atangû; a mbut nga zulona d’i.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

2 Sunda Hamuleinid’a 30:10

Suma a sunuzi ki mbaktumbina a nga i kur azì ma nglona teteng yam ambas sa Efraim-mba, yam ambas sa Manase-d’a, gak a mba yam ambas sa Zabulon-nda, wani a nga san ad’uziya, a nga lazazi mi.

Hebre-na 11:36

A las suma dingâ ki sanda, a to suma dingâ ki blafâ, suma dingâ a djinizi ki kindjingâ, a tchuguzi dangeina mi.

Ad’u Tinda 17:20

Yam Ismael, an humungû. Gola! An nga ni b’e vunan kamu, an nga ni zulum andjavam avogovogo; mam mba mi vut amuleina dogo yam mbà, an mba ni zulum andjavam ngola.

Wana ni mbaktumba hi Job-pa 30:1

Job mi de kua ala: Wani ki tchetchemba, suma gurei mana a nga san ad’unu. Ni suma an gol abuyozi is ala an min tchuguzi aduk adurei suma a nga ngom d’uwar manina d’uo na.

Ad’u Tinda 21:8

Isak nga mi wula, mi ar apona bei tched’a. Ata yi máma Abraham mi le te ma ngolâ á luna kamu.

Zla d’a d’ogolâ 22:10

Ang dik sama las suma woyo, huneîd’a mba d’i dap peyo; tuguyod’a ki ngula a mba dap pei mi.