Ad’u Tinda 21:6 - Bible azumeina

⁶ Sara ti dala: Alona mi han vama sanda. Nge nge pî ma huma mba mi san yam zla manda.

Ad’u Tinda 21:6 Referans Kwoze

Isai 54:1

Ndak Jerusalem, ndak ka b’al gendreged’a bei vutid’a, ndak le furîd’a; Ndak ka vuta ti lak nga yat tu d’uo d’a, ndak er ad’uk akulo ki furîd’a, ndak tchayîd’a; kayam Ma didina nga mi dak ala: Ndak atcha d’a digik keid’a, ndak nga ki grona kal atcha d’a ndjuvut mi le kat heîd’a.

Sawal la giled’a 126:2

Ata yi máma siyami nga ngad’a woi ki sanda hina ges, ami nga hlami sawal la bangâna ki furîd’a mi. Andjaf suma pet a nga dala: Ma didina mi lahle suma ndandalâ ki sed’eziya!

Ad’u Tinda 17:17

Abraham mi ge tam kä ki iram andaga avok Alona, mi djib’er kurum krovo, mi nde sanda ala: Sama bizam kisâ, mi ndak á vut gorâ zu? D’oze Sara bizat dok zlengâ wana, ti ndak á vut tei zu?

Wana ni Zla d’a Djivi d’a Luc mi b’irita 1:58

Ndrot sumazina ki b’oziyotna, a hum zla we hohou d’a ngol la Salad’a mi wat hohowota, a le furîd’a zlapa ki sed’et mi.

Wana ni Zla d’a Djivi d’a Luc mi b’irita 1:14

Ang mba le furîd’a ngola, suma ablaud’a a mba le furîd’a yam vut mamba mi.

Isai 49:21

Ndak mba d’i de kuruk ala: Ni nge ba, mi vud’uk gro ndazina ge? Kayam grona a dap peyo, an ni gendreged’a, a i ki sed’en magomba, a digin ndeyo. Ni nge wuluzi ge? An arî van tu. Sum ndazina a tcholï ni lara ge?

Sawal la giled’a 113:9

Mi hatcha d’a gendreged’a azì ma kaka, mi mbud’ut atcha d’a furîd’a aduk grotna. Agi gilegi Ma didina!

Romê-na 12:15

Ar agi lagi furîd’a ki suma a nga le furîd’ina. Ar agi tchigi ki suma a nga tchina mi.

Hebre-na 11:11

Ni yam he gagazid’a ba, Sara tata fad’enga á ve wirâ ata yima bizat ta vuta kal leina, kayam ndat tin hurut ala ma hlat vunama ni ma d’engzengâ.

1 Samuel 1:26

Anne ti dum ala: Salana, ang tang ki irang wana, an natcha d’a ni tchol kambei ka hî geveng á tchen Ma didinid’a.

Isai 49:15

Ma didina mi hulongôt humba ala: Na ni atchad’a ti mar yam gorot ma ndat nga d’i hum aponina zu? Ti we hohowa gorot ma ndeï kurutna d’uo zu? Le ti mar kam pî, an mba ni mar kak ki.

Jeremi 20:15

Ar a ge vuna mi sama mi i de zlad’a mabun ala: A vud’ung ini gor mandjufâ, ar tang lang djivid’a na.