Ad’u Tinda 21:33 - Bible azumeina

³³ Abraham mi pe atchinda avo Berseba; ata yi máma mi tchen ki simiyê Ma didina Alo ma nga kur atchogoi d’a lara ge petna.

Ad’u Tinda 21:33 Referans Kwoze

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

Isai 40:28

Ang wum nga d’i? Ang humum nga zlam mbi? NAlo ma dedeina, ni Ma didin ma mi le andagad’a gak ata vunat ma dabid’ina, mi nga mi kau d’oze mi seî d’uo; wäd’u mamba ni d’a sana mi ndak á feget ad’ut tuo d’a mi.

Sawal la giled’a 90:2

Avok kid’a ang bei lahuniyôna kandagad’a ki duniyad’a tua d’a, adjeu dei gak ini burâ ki burâ angî Alona.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Romê-na 16:26

Wani ki tchetchemba, zla d’a muduri ndata a ndat tei kur mbaktumba hi suma djok vun Alonid’a. Alo ma didina mi he vuna ala a tagat tei mandjaf suma pet, kayam a he gagazid’a, a ge yazi kä ad’um mi.

Ad’u Tinda 12:8

Bugola, mi tcholï kolâ, mi mba yam ahuniyô suma Betel-lâ abo ma yorogona, mi ve zlub’u mamba ata yi máma aduk Betel ki Aï, Betel abo ma fladegena, Aï abo ma yorogona mi, mi min yima ngal ahle suma ngat buzuna mi Ma didina, mi tchen ki simiyêm mi.

Ad’u Tinda 4:26

Set mi vut gorâ, mi yum ala Enos. Ata yi máma suma a tin ad’ud’a á tchen ki simiyê Ma didina.

Gat ta a hat á mbàd’id’a 33:27

Alo ma ei adjeu dedeina ni yi mang ma ngeid’a; abom ma sib’ika, mi nga ki sed’eng ka hî yam andagad’a teteu; nga mi dik mang suma djangûna woi avorongû, nga mi he vuna ala: Ang dabazi woyo!

Romê-na 1:20

Kad’u tinda kid’a Alona mi le duniyad’a dei d’a gak tchetchem, suma a ndak á wahlena hAlona suma a ndak á wazi d’uo na, nala, ad’eng mam mba didinda ki kak mam mba ala nAlona d’a. Suma a nga wahle ndazina nata sun nda mam lata. Hina, suma a ndak á waziya. Kayam ndata, azi ndak á tin vunazi avok Alona d’i.

Amos 8:14

Suma a nga gun tazi kalo ma ka zla ma Samari suma a nga dala: Dan! Ar alo mangâ va mi lum mbuo, d’oze, Ar alo ma Berseba-na va mi lum mbuo mi na, a mba puk kä, a mba tchol akulo bugol luo d’a.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Suma ka sariyad’a 3:7

Israel-lâ a le sun nda Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ kalo d’a a yat ala Asera-d’a.

Gat ta a hat á mbàd’id’a 16:21

Moise mi de kua ala: Ar agi pagi agu ma fileina gen yima ngal ahle suma ngat buzu ma agi mba minim mi Ma didina Alo maginina d’i.

Ad’u Tinda 26:33

Mi yi golong ndata ala Siba. Ni kayam ndata ba, a nga yi azì máma simiyêm gak ini ala Berseba.

Ad’u Tinda 26:25

Ata yi máma Isak mi min yima ngal ahle suma ngat buzuna kua, mi tchen ki simiyê Ma didina, mi ve zlub’u mamba kua; azungeî mama a ka golonga kua mi.

Ad’u Tinda 26:23

Isak mi tchol ata yi máma, mi i Berseba.

Hebre-na 13:8

Jesus Christ ni ma bei mbuta ba na, ni ma kama, ini gak didina mi.

Ad’u Tinda 21:32

Abraham azi ki Abimelek a djin vunazi ni Berseba. Abimelek ki Pikol ma ngolâ hi azigar mamina a tchol a hulong yam andaga d’a Filistê-d’a.

Buzuk ka Abud’a 15:18

Ma didina, ang mba tamula bei dabid’a gak didin!

Gat ta a hat á mbàd’id’a 32:40

An hlabon akulo hur alona, an gun tan ala: An ni ma nga kaka ki iran gak didina!

Sawal la giled’a 93:2

Ma didina, zlam mang nga amula ti nga tinda nadjeu dedei; adjeu dei angî ma nga kaka didina.

Habakuk 1:12

Habakuk mi de kua ala: Ei dedei angî Ma didina Alo man ma bei tchod’a, ang nga mit ti. Ma didina, angî ahina manda, ang tin suma djangû ndazina, ang hazi ad’enga á gad’amiya.