Ad’u Tinda 21:27 - Bible azumeina

²⁷ Bugola, Abraham mi yo tumiyôna kamuzleina, mi hazi mi Abimelek; azi djak a djin vunaziya.

Ad’u Tinda 21:27 Referans Kwoze

Galat-na 3:15

B’oziyona, an nga ni dagi zla d’a d’ogola hi sumid’a. Le sana mi hle vunam yam va, le suma pet a le glangâsâ kamu ni, sama ndak á pad’am mbei d’oze mi tchuk kam kuana nga d’i.

Romê-na 1:31

Azi ni suma bei djib’er yam tcho mazid’ina, a nga djib’er yam vun mazi ma hled’a d’i. Azi ni suma bei sumad’a, ni suma bei we hohowa sumina mi.

Ezekiyel 17:13

Mi hle sana ad’u andjaf ma amula tu, mi djin vunam ki sed’emu, mi lum kad’enga mi gunum tamu, mi i ki suma nglo suma kur ambas ndatina,

Isai 32:8

Wani sama djivina mi nga hurumî yam vama djivina, nga mi ve tam ad’enga yam nga hur mam ma djivina mi.

Zla d’a d’ogolâ 21:14

He d’a hawa d’a a hat gumunda nga d’i b’leng vun ayîna hi sanina kä, he d’a hawa d’a gumunda nga d’i ve vun ayîna hi sanina kä mi.

Zla d’a d’ogolâ 18:24

Sama buniyôma ablaud’a heîna pî, dam ndaka mba d’i mba kamu, wani banang ma hurum vang heîna, mi kal wiyengâ.

Zla d’a d’ogolâ 18:16

He d’a hawad’a hi sanid’a nga d’i malam lovota avorom hotot, nga d’i hum yima kaka gen suma nglona mi.

Zla d’a d’ogolâ 17:8

He d’a hawa d’a mbut ira ti ni d’igi kumana na ir suma a nga hatna, ata yima a mbut irazi kuana a nga fe djivid’a!

1 Samuel 18:3

Wani Jonatan azi ki David a djin vunaziya, kayam Jonatan mi le kam d’igi mam tamba na.

Ad’u Tinda 31:44

Ki tchetchemba, ang mbeya, ei djini vuneya, kayam vun ma djin máma mi arî vama glangâsâ aduk teya.

Ad’u Tinda 14:13

Sama ringî avun ayînina, mi mba, mi de zla ndata mi Abram ma Hebre ma nga kaka ad’u agu ma nglona hi Mamre ma Amor-rîna. Mamre azi ki b’oziyoma Eskol ki Aner a ve banad’a ki Abram.

Ad’u Tinda 21:26

Abimelek mi hulong dum ala: An we nga sama mi lahle ndazinina d’i; ang dan nga avok ki, an humî ini tua.

Ad’u Tinda 21:28

Abraham mi yo gro tumiyôna kid’iziya, mi tinizi irazi vaziya.