Ad’u Tinda 21:23 - Bible azumeina

²³ Ki tchetchemba, ang gunun tang avok Alona ka hî ala ang mba mbud’un iran ki grona ki gron ngolona d’i. Ang lan djivid’a yam andaga d’a ang nga kaka kurut wanda d’igi an lang djivid’a na mi.

Ad’u Tinda 21:23 Referans Kwoze

Josue 2:12

Ki tchetchemba, agi gunun tagi ki simiyê Ma didina tala agi lagi djivid’a ki sum mana d’igi an le djivid’a ki sed’egi na mi d’a, agi tagan vama simat ma mba mi kak vama simat ma gagazinina.

Ad’u Tinda 20:14

Abimelek mi haho’â, amuzleina, azungeîna ki yuguneina mi Abraham, mi hulongôm amamba Sara,

Hebre-na 6:16

Kayam suma a nga gun tazi ni ki vama ngol ma kalazina, hina wani gun ta ndata mba d’i d’el tuguyod’a adigaziya.

2 Korente-na 1:23

An ka ni zlad’a d’i, Alona ni ma glangâs mana mi. An ar bei hulong iza hatagi Korente kayam an min zalagi hurugi d’i.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

1 Samuel 30:15

David mi dum ala: Ang min tinin ata yima azigar ndazina a nga kuana zu? Mi hulong dum ala: Ang gunun tang avok Alona ala ang mba tchan ndoze ang han abo salana d’i. Hina wani, an mba ni tagang yima azigarâ a nga kuana.

1 Samuel 20:42

Jonatan mi de mi David ala: Ang i lafiya! Ki tchetchemba, ei djak guni wa tei ki simiyê Ma didina ala ar Ma didina mi kak glangâsâ adigeya, aduk andjavan kandjavang mi gak didin.

1 Samuel 20:17

Jonatan mi gun tam avok David kua, kayam mam hurum vum heî, kayam mam le kamî d’igi mam tamba na.

1 Samuel 20:13

ar Ma didina mi mban ndak ka ngol la kala kanu. Le ba abun nga hurum á lang tchod’a ni, an mba ni dangû, an arang ang iya, kayam ang i ki halasa. Ar Ma didina mi kak ki sed’eng d’igi mi kak kabun na mi.

Gat ta a hat á mbàd’id’a 6:13

Agi lagi mandara Ma didina Alo magina, agi lum sunda ni mam tu go, agi gunugi tagi ni ki simiyêm hol mi.

Ad’u Tinda 31:53

Alona hi Abraham-ma, Alona hi Nahor-râ, Alona habuyozina, mi kei sariyad’a adigeya. Jakob mi gun tam ki simiyê Alo ma abum Isak nga mi lum mandarama.

Ad’u Tinda 31:44

Ki tchetchemba, ang mbeya, ei djini vuneya, kayam vun ma djin máma mi arî vama glangâsâ aduk teya.

Ad’u Tinda 26:28

Azi hulong dum ala: Ami wami tetet ala Ma didina mi nga ki sed’engû. Ni kayam ndata, ami min ala ei guni tei aduk teya, ei djini vuneya.

Ad’u Tinda 24:3

ang gunun tang avok Ma didina, Alo ma lakulod’a kandagad’ina ala ang mba ve gora hi suma Kanan suma an nga kaka adigazina mi goron na d’i.

Ad’u Tinda 21:24

Abraham mi dum ala: An nga ni gun tanu.

Ad’u Tinda 47:31

Jakob mi de mi Josef ala: Ang gunun tang tua. Josef mi gunum tamu. Israel mi grif kä yam va mam mba d’igal yamba.

Ad’u Tinda 39:3

Salama Potifar mi wala Ma didina mi nga ki Josef, kayam ahle suma mi lazina pet, a nga le djivid’a abomu.