Ad’u Tinda 21:22 - Bible azumeina

²² Kur atchogoi ndata, Abimelek ki Pikol ma ngolâ hi azigar mamina a mba gen Abraham, a dum ala: Ahle suma ang nga lazina pet, Alona mi nga ki sed’engû.

Ad’u Tinda 21:22 Referans Kwoze

Ad’u Tinda 26:26

Abimelek mi tcholï Gerar zlapa ki banama Ahuzat ki Pikol ma ngolâ hi azigar mamina, a mba gen Isak.

Josue 3:7

Ma didina mi de mi Josue ala: Ini an nga ni tin ad’ud’a á tagang ngol manga woi avok Israel-lâ pet, kayam azi wala an nga ki sed’eng d’igi an nga ki Moise adjeu na mi.

Ad’u Tinda 26:28

Azi hulong dum ala: Ami wami tetet ala Ma didina mi nga ki sed’engû. Ni kayam ndata, ami min ala ei guni tei aduk teya, ei djini vuneya.

Ad’u Tinda 20:2

Abraham nga mi dala amamba Sara ni wiyemba. Ni kayam ndata ba, Abimelek amul ma Gerar-râ, mi vad’u.

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.

1 Korente-na 14:25

Djib’er ra nga ngeid’a kurumba mba d’i nde woi pid’agï. Ata yi máma, mba mi ge tam kä, mba mi kud’or Alona, mba mi dala: Gagazi, Alona mi nga adigagiya.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Isai 8:10

Agi ngagi hurugiya, wani nga hur magina mba mi mbut ni vama hawa ya’â. Agi nga dagi zlad’a, wani zla ndata mba d’i le d’i, kayam Alona mi nga ki sed’emiya.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Zakari 8:23

An Ma didin ma ad’engên kal petna ni dala: Kur bur máma suma dogo ad’u vun ma ded’a teteng a mba ve vun barud’a hi ma Juif-fîd’a, a mba dum ala: Ami imi ki sed’egiya, kayam ami humumi ala Alona mi nga ki sed’egiya.

Isai 45:14

Ma didina mi dala: Agi Israel-lâ, fed’a hi suma Ezipte-nid’a ki beged’a hi suma Etiyopi-nid’a ki d’a hi suma Sabe suma fuyogeinid’a mba d’i kalï avo hatagiya, mba d’i arî magid’a mi. A mba tit blogogi ki kindjingâ aseziya, a mba dagi zlad’a ki hud’a ala: Alona navo hatagi tu, ma ding nga d’i.

2 Sunda Hamuleinid’a 1:1

Salomon David goroma nga mi sira leu mamba. Ma didina Alo mama mi nga ki sed’emu, mi hlum yam akulo avok suma pet.

Ad’u Tinda 30:27

Laban mi dum ala: Ang humun djiviya; Ma didina mi dan ala mam b’e vunam kan ni kayam angû.

Ad’u Tinda 20:17

Abraham mi tchen Alona; Alona mi sut Abimelek kamamba ki yugunei mama, kayam azi á vud’a.

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

Ad’u Tinda 20:14

Abimelek mi haho’â, amuzleina, azungeîna ki yuguneina mi Abraham, mi hulongôm amamba Sara,

Ad’u Tinda 31:5

Mi dazi ala: An wabugi mi nga ki sed’en d’igi avok deid’a na d’i, wani Alona habuna mi nga ki sed’enu.

1 Samuel 3:19

Samuel mi djengâ; Ma didina mi nga ki sed’emu, mi ndak vun zla mam mba Samuel mi data pet; d’a ar bei le sundid’a nga d’i.

2 Samuel 24:7

A mbaza kur azì ma ngol ma Tir ma nga nguid’a ki gulumun ma ad’eng ma ngunguna, a i hur azì ma nglo ma Hef-fâ pet ki ma Kanan-na, a dabi nabo ma sutna hi Juda-na avo Berseba.

1 Samuel 24:22

Ki tchetchemba, ang gunun tang avok Ma didina ala ang mba b’lagan andjavan ma blogona woi d’i, ang mba tchan simiyên ndei aduk sum mana d’uo mi.