Ad’u Tinda 21:14 - Bible azumeina

¹⁴ Abraham mi nde yorogo tcholol, mi hlavungôna ki gugura mbina, mi he mi Agar, mi tinit gorotna keled’u, mi dat ala: Ndak iya. Ndat ti iya, ti vit tei hur ful ma Berseba-na.

Ad’u Tinda 21:14 Referans Kwoze

Jean 8:35

Magoma nga mi kak avo gak didin ndi, wani gor vuta nga mi kak gak didin.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Zla d’a d’ogolâ 27:14

Le sana mi nde yorogo tcholol, mi nga mi ge ndrama depa ki delem akulo d’ad’awu ni, a mba ndum zla ndata ni d’igi ngula na.

Sawal la giled’a 119:60

An nga ni le lilinga d’i, an nga ni b’at tan á ngom vun mang ma hed’a.

Sawal la giled’a 107:4

Israel suma dingâ a dau abagei hur fulâ, kur tit mazi d’a glovot hur ful ma gangrasîd’a. Azi fe nga azì ma kaka d’i.

1 Amuleina 19:3

Kid’a Elie mi we hina d’a, mi le mandarâ, mi i á sut tamu. Mi mbaza avo Berseba kur ambas sa Juda-d’a, mi ar azong mama sä kua,

Ad’u Tinda 26:31

Azi buzuk yorogo tcholol, nge nge pî mi gun tamu. Isak mi araziya, azi i lafiya.

Ad’u Tinda 25:6

wani kid’a mam nga ki iram tua d’a, mi hahlena mamiyôm suma gureina grozina, mi walazi woi ki goroma Isak, mi dazi ala a i yam andagad’a abo ma yorogonid’a.

Ad’u Tinda 21:31

Kayam ndata, suma a yi yi máma ala Berseba, kayam suma mbà ndazina a gun tazi ni kua.

Ad’u Tinda 16:7

Malaikana hi Ma didina mi fat avun mbiyo ma laud’a kur lovot ta i yam ambas sa Sur-rid’a.

Isai 16:8

Asine ma Hesbon-na mi b’lak keyo, guguzlu d’a Sipma-d’a ti so woi mi. Suma a te yam andjaf sumina, a kat abot ma mi ruî gak mi mbaza Jazer ma mi b’rau woi abagei hur fulâ yaya’â woyo, a kat abot ma mi i gak mi kalza woi yam apo d’a Matna mi.

Ad’u Tinda 46:1

Israel mi nde glovot kahle mama pet. Kid’a mi mbaza Berseba-d’a, mi ngat buzuna mAlona habum Isa’â.

Ad’u Tinda 37:15

Kid’a mam nga mi hal abagei hur fulîd’a, sana mi fumu, mi djobom ala: Ang halî me ge?

Ad’u Tinda 26:33

Mi yi golong ndata ala Siba. Ni kayam ndata ba, a nga yi azì máma simiyêm gak ini ala Berseba.

Ad’u Tinda 24:54

Mam ki suma ad’uma a te, a tche, a bur kua. Ki yorogod’a azi tchol akulo, mi dazi ala: Agi aran an i gen salana.

Ad’u Tinda 22:19

Abraham azi ki Isak a hulongî gen azungeî mama, azi tchol ad’u taziya, a i Berseba ata yima mi nga kaka kuana.

Ad’u Tinda 22:3

Abraham mi nde iram yorogo tcholol, mi zlup koro mama, mi yo azungeî mama mbà zlapa ki goroma Isak, mi wak agu ma a ngal ki vama ngat buzunina, mi i ata yima Alona mi tagamzina.

Ad’u Tinda 21:33

Abraham mi pe atchinda avo Berseba; ata yi máma mi tchen ki simiyê Ma didina Alo ma nga kur atchogoi d’a lara ge petna.

Ad’u Tinda 19:27

Abraham mi nde iram yorogo tcholol, mi i ata yima mam tchol avok Ma didina kuana,

Ad’u Tinda 21:13

Wani magomba gorotna pî, an mba ni zulum andjavam ngola, kayam mam mi gorongâ.

Ad’u Tinda 21:15

Ata yima mbina mi dap pei kur gugurina, ti tin gorotna kä ad’u azlupa,

Zla d’a d’ogolâ 27:8

Sama mi wal kambas mamba woi deina, mi ni d’igi alei ma wal kaziyam mbei deina na mi.

Ad’u Tinda 28:18

Jakob mi tchol akulo yorogo tcholol, mi hlahina d’a mam d’igal yam kata, mi tinit akulo kad’ut á ge humba, mi vot mbulâ kad’u, mi tinit irat vat yam Alona.

Josue 3:1

Josue ki Israel-lâ a tchol Sitim ki yorogo tcholola, a i avun alum ma Jurdê-na. A bur kua á djak aluma.

1 Samuel 15:12

Ki yorogo tcholola mi i á ngaf ki Saul. Mi hum ala Saul mi i wa Karmel, mi pahinad’a á yï simiyêmu, mi tchol mi i Gilgal.

2 Sunda Hamuleinid’a 29:20

Amulâ Ezekiyas mi nde ki yorogo tcholola, mi tok suma nglo suma hur azinina, mi i ki sed’ezi kur gulumuna hi gong nga kud’ora hi Ma didinid’a.