Ad’u Tinda 2:2 - Bible azumeina

² Ata yima Alona mi dap vun sun mama dapma, mi tuk tam kur bur ma kid’iziyana yam sun mam mba mi lata pet.

Ad’u Tinda 2:2 Referans Kwoze

Hebre-na 4:4

Kayam mi de kur mbaktum mamba ata yima dingâ yam bur ma kid’iziyana ala: Alona mi ar sun mamba, mi tuk tam kur bur ma kid’iziyana.

Buzuk ka Abud’a 31:17

Bur máma mba mi arî vama taka gak didin adigami ki Israel-lâ, kayam an lakulod’a kandagad’a ni burâ karagaya; kur bur ma kid’iziyana, an ar sunda, an tuk tanu.

Gat ta a hat á mbàd’id’a 5:14

Wani bur ma kid’iziyana ni bur ma sabat ma an tinim iram vam yam an Ma didina Alo mangîna. Ar ang le sunda kua d’i, nala, ang tanga, gorongâ, goronga, azong mangâ, wei manga, amuhl mangâ, koro mangâ, d’uwar mang tu pî d’oze angei ma nga kaka avun aziyangâ a le sun ndi, kayambala azong mangâ ki wei manga a tuk tazi d’igi ang na d’a.

Buzuk ka Abud’a 23:12

Agi lagi sunda burâ karagaya, wani kur bur ma kid’iziyana agi tugugi tagiya, kayam amuzlei magina ki koro magina a tuk taziya, kayam yugunei magina grozina kangoyogei suma adigagina a tuk tazi mi.

Jean 5:17

Jesus mi hulong dazi ala: Abun nga mi le sunda teteu, an nga ni le sunda hina mi.

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Ad’u Tinda 1:31

Alona mi gol ahle suma mam lazina pet, a djivid’a heî. Fladeged’a nga, yorogod’a nga mi; ni bur ma karagayana.

Hebre-na 4:10

Kayam sama kal ata yima tuk tad’a hAlonina, mi tuk tam yam sun mamba, d’igi Alona mi tuk tam yam sun mamba na mi.

Ad’u Tinda 2:3

Alona mi b’e vunam yam bur ma kid’iziyana, mi tinim iram vamu, kayam mam tuk tam yam sun mam mba mi lata pet.

Buzuk ka Abud’a 31:15

Agi lagi sunda burâ karagaya, wani bur ma kid’iziyana ni bur ma tuk ta ma a tinim iram vam yam an Ma didinina. Sama lara ma le sunda kur bur ma tuk ta mámina, agi tchum mbeyo.