Ad’u Tinda 2:1 - Bible azumeina

¹ Ni hina ba, Alona mi dap akulod’a kandagad’a kahle suma kuruzina pet.

Ad’u Tinda 2:1 Referans Kwoze

Sawal la giled’a 33:6

Ma didina mi lakulod’a ni ki zla mam mba ded’a, mi lahle suma kurutna pet ni ki zla d’a ndeï avunamba.

Buzuk ka Abud’a 31:17

Bur máma mba mi arî vama taka gak didin adigami ki Israel-lâ, kayam an lakulod’a kandagad’a ni burâ karagaya; kur bur ma kid’iziyana, an ar sunda, an tuk tanu.

Buzuk ka Abud’a 20:11

Kayam kur burâ karagaya, an Ma didina ni lakulod’a kandagad’a kalum ma ngolâ kahlena pet suma a nga kuruma, an tuk tan kur bur ma kid’iziyana. Ni kayam ndata ba, an b’e vunan yam bur ma sabat máma, an tinim iram vam mi an mi.

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

Isai 45:18

Ma didina Alo ma tu gid’engâ ni ma lakulod’a, ni ma landagad’a, mi minit mi sirat tala ti kak hawa d’uo, suma a kak kurud’u na, mi dala: An ni Ma didina, alo ma ding nga woi keng vam mbi, ni an tu.

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

2 Amuleina 19:15

Bugola, mi nde tchenda ala: Ma didina, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’a, angî Ma lakulod’a kandagad’ina mi.

Isai 45:12

Ni an ba ni landagad’a, ni le suma a nga kaka kurutna pet. Ni an ba ni b’eng akulod’a woyo, ni he vuna mahle suma kurutna pet mi.

Sawal la giled’a 146:6

Ma didina mi lakulod’a kandagad’a, mi lalum ma ngolâ kahlena pet suma a nga kuruma, nga mi ngom gagazid’a teteu mi.

Zakari 12:1

Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala:

Sawal la giled’a 33:9

Mi de zlad’a, va máma mi mba; mi he vuna, va máma mi nga mi.

Nehemi 9:6

Ni ang Ma didina tu ba, lakulod’a kahle suma kurutna pet, andagad’a kahle suma kurutna pet, alum ma nglona kahle suma kuruma pet mi. Ahle ndazina pet ang hazi arid’a, ahle suma akulona pet a nga grif kä avorong mi.

2 Sunda Hamuleinid’a 2:12

Hiram mi de kua ala: An le mersi mi Ma didina Alona hi Israel-lâ ma mi lakulod’a kandagad’ina, kayam mi hamulâ David gor ma ned’a ma d’alâ ma wad’ud’a ma ndak á min gong nga kud’ora mi Ma didina ki gong nga amula yam mam tambina.

Hebre-na 4:3

Ei suma hei gagazid’ina, ei nga kalei ata yima tuk ta ma Alona mi de kam ala: An hurun zal ngola, an gun tan ala: Azi mba kal ata yima azi tuk tazi kua ki sed’ena d’uo na. Mi de zla ndata nata yima mi dap sun mam mba avok ka mam le duniyad’ina.

Sunda hi suma a sunuzinid’a 4:24

Kid’a a humba, a zlap vunazi tu mAlona, a de ki delezi akulo ala: Salad’a, angî ma lakulod’a kandagad’a kalum ma ngolâ kahlena pet suma a nga kurumina.

Jeremi 10:16

Wani ma ala ni ndjondjoîd’a hi Jakob-pa na, mi nga na d’i. Mam mi ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Jeremi 10:12

Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ni ki wäd’u mamba mi.

Isai 65:17

Ma didina mi dala: An nga ni lakulo d’a awilid’a kandaga d’a awilid’a. Sa mba mi djib’er yam ahle suma kalâ d’i, sa mba mi hulong djib’er kazi d’uo mi.

Isai 48:13

Ni kabon ba, an gäd’u andagad’a, an b’eng akulod’a woi kabon ma ndjufâ. An yaziya; a tok tu, a mbeï avoronu.

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.

Ad’u Tinda 2:4

Wana nad’u tinda hakulod’a kandagad’id’a kid’a Alona mi lazid’a. Ata yima Ma didina Alona mi landagad’a kakulod’ina,

Ad’u Tinda 1:10

Alona mi yi yima sod’a ala Andagad’a; mi yi mbiyo ma mi tok ata yima tuna ala Alum ma nglona. Alona mi wala ni djivid’a iramu.

Gat ta a hat á mbàd’id’a 17:3

á kud’or alo ma tetengâ á grif kä avoromu, avok afata, d’oze avok tilâ, d’oze avok ahle suma lara ge suma sä kur akulod’a suma an hagi nga vuna kazi d’uo na kla ni,

Jeremi 8:2

A mba tchuk asok máma kä ir afata, ir tilâ, ir ahle suma lara suma akulona mi. Ahle ndazina nahle suma azi huruzi minizina, a lazi sundina, a tit ad’uzina, a zlap ki sed’ezina, a djobozi á kud’urozina mi. A mba yozi asogozi máma d’i, a mba tozozi d’uo mi, wani asok máma mba mi mbut ni d’igi siligitna na kä yam andagad’a.

Isai 55:9

D’igi akulod’a ti kal akulo yam andagad’a na, hina mi, sun man nda led’a ti kal akulo yam sun magi d’a led’a, djib’er manda ti kal akulo yam djib’er magid’a hina mi.

Wana ni mbaktumba hi Job-pa 12:9

Ni nge mi wazi nga ala: Ahle ndazina pet Ma didina mi lazi ni mamu d’uo ge?

Sunda hi suma a sunuzinid’a 7:42

Wani Alona mi mbud’uzi azigamu, mi arazi á kud’or ahle suma akulona d’igi a b’ir kur mbaktumba hi suma djok vun Alonid’a na ala: Agi Israel-lâ, kid’a agi lagi bizad’a dok fid’i abagei hur fulîd’a, agi mban d’uwar ma a ngad’ama kahle suma ngat buzuna zu?

Wana ni Zla d’a Djivi d’a Luc mi b’irita 2:13

Atogo hina zak, ablaud’a hi malaikanid’a zlapa ki malaika máma, a nga gile Alona ala:

Isai 34:4

Ahle suma akulona pet a mba lau woyo, a mba d’ut akulod’a d’igi sana mi d’ut mbaktumba na; ahle suma kurutna pet a mba yak kei d’igi hum guguzlud’a d’oze hum tuluma mi yak keina na mi.

Sawal la giled’a 104:2

angî ma tchuk b’od’a atang d’igi sana mi tchuk baruna atam na na, ang gang akulod’a d’igi sana mi gang azid’a akulo na mi.