Ad’u Tinda 19:38 - Bible azumeina

³⁸ D’a gora ti vut gor mandjufâ, ti yum ala Benami; ni suma Amon-na abuzi ngolo gak ini.

Ad’u Tinda 19:38 Referans Kwoze

Gat ta a hat á mbàd’id’a 2:19

Agi mba mbagi yam ambasa hi suma Amon-na, wani agi ndazi ayîna d’i, agi duruzi d’uo mi, kayam an mba ni hagi djo nde pî yam ambasa hi suma Amon-nid’a d’i. An ni he yi máma ni mi Lot groma djona.

Sofoni 2:9

Kayam ndata, an ma bei matna Ma didin ma ad’engên kal petna, Alona hi Israel-lîna, ni dala: Mowap mba d’i mbut ni d’igi Sodom na, Amon mba d’i mbut ni d’igi Gomor na. Yazi mba mi se kekerezeuna, mba mi mbut ni zul la a djugot ndjuvuna kuad’a, mba mi arî djona ki iram fafat. Sum mana ad’uzi d’a ara a mba hurumuziya, andjaf man suma a mba ar nde na a mba hlambas mazid’a mi.

Isai 11:14

Azi djak a mba nde yam suma Filistê-na abo ma fladegena, a mba hurum ahlena hi suma abo ma yorogonina, a mba kus yam suma Edom-ma ki suma Mowap-ma, suma Amon-na a mba hulong yazi kä ad’uzi mi.

Suma ka sariyad’a 10:6

Israel-lâ a nde le sun nda ding nga Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ kalo d’a a yat ala Asera-d’a, a nga kud’or alo ma teteng ma hi suma Siri-na, hi suma Sidon-na, hi suma Mowap-ma, hi suma Amon-na, hi suma Filistê-nina mi. A ar Ma didina woyo, a nga lum sunda d’uo d’a.

Gat ta a hat á mbàd’id’a 23:3

Suma Amon-na ki suma Mowap-ma a kal kur toka hi Ma didinid’a d’i. Le nandjavazi ma kur atchogoi d’a dogod’ina pî, mi ndak á kal kua d’i gak didin,

Gat ta a hat á mbàd’id’a 2:9

Ma didina mi dan ala: Ang nde suma Mowap-ma ayîna d’i, ang duruzi d’uo mi, kayam an mba ni hagi va yam ambas mazid’a d’i. Ni Lot groma ba, an hazi ambas sa Ar-ra djona.

Ad’u Tinda 20:1

Abraham mi tchol Mamre, mi i iram abo ma Negef-fâ, mi kak aduk Kades ki Sur. Bugola, mi kak Gerar ndjö.

1 Samuel 14:47

Bugol la Saul mi kak amula yam Israel-lîd’a, mi dur ki mam suma djangû suma a nguyuma, nala, ki suma Mowap-ma, ki suma Amon-na, ki suma Edom-ma, kamulei suma Soba-na, ki suma Filistê-na. Ata yima lara ge pet mi kus kaziya.

Sawal la giled’a 83:9

Suma Asiri-na pî a zlap ki sed’ezi mi, a had’enga mi Lot groma. Tchol ndjö

Sofoni 2:8

Ma didina mi dala: An hum ngula hi suma Mowap-ma ki lasa hi suma Amon-nid’a ata yima azi nga mbut sum mana zulonina a hle yazi akulo a kal kur leu mazid’a mi na.