Ad’u Tinda 19:2 - Bible azumeina

² mi dazi ala: Suliyona, an nga ni tchenegiya, agi mbeyegi avo hazong magina, agi mbuzugi asegiya, agi burugi kä to; ndjivin yorogo tua ba, agi igiya. Azi hulong dum ala: Hawa! Ami burumi nabu ka hî.

Ad’u Tinda 19:2 Referans Kwoze

Ad’u Tinda 18:4

Ar an hagi mbiyo ma mbus asegina dö, agi tugugi tagi ad’u agu ma wana.

Hebre-na 13:2

Ar agi maragi yam akoi ma led’a d’i. Ata le d’a hina d’a, suma dingâ a ve malaikana atazi bei a wazi ala a ni malaikana ba.

Sunda hi suma a sunuzinid’a 16:15

Kid’a ami lat batemba ki suma avo hatatna peta, ti tchenemi ala: Le agi wan ala an natcha d’a d’engzenga avok Salad’a ni, agi mbeï kagagi avo hatanu. Ti labami gak ami imi ki sed’ed’u.

Wana ni Zla d’a Djivi d’a Luc mi b’irita 7:44

Mi mbut iram yam atcha ndata, mi de mi Simon ala: Ang watcha d’a wanda? An mba avo hatangû, ang han nga mbina á mbus asen ndi, wani ndat mbuzun asen ki simi ma iratna, ti sad’am ki tumus sa kata mi.

Jean 13:5

Bugola, mi vo mbina kur tazana, mi nde mbus mam suma hata aseziya, mi sed’ezi asezi woi ki baru d’a mi djinit furumba.

Ad’u Tinda 19:1

Ki fladeged’a malaika suma mbà ndazina a mba Sodom. Lot mi nga kaka kä avun azì ma Sodom-ma. Kid’a mi wazid’a, mi tchol mi d’uguloziya, mi grif kä, mi tchok yam kä andaga avoroziya,

Ad’u Tinda 19:3

Wani vunam kal kazi gak azi i avo hatamu, mi lazi tena, mi yazi avungô ma bei angufina, a te.

Ad’u Tinda 24:31

Laban mi dum ala: Sama Ma didina b’e vunam kama, ang mbeya; ni kayam me ba, ang tchol lei abu ge? An min nga hur gonga ki yina yam djambala mi.

Ad’u Tinda 43:24

Mi i ki sed’ezi avo hi Josef pet, mi hazi mbina á mbus aseziya, mi he hatna mi koro mazina mi.

Sawal la kal teglesa 5:3

Ti dala: An fok wa baru manda woyo, an dok tchugut atan nduo d’a! An mbus asen ndei da’, an min mbud’um zozota d’uo d’a.

2 Samuel 11:8

Bugola, David mi de mi Uri ala: Ang i avo hatangû, ang tuk tang ndjö. Uri mi nde woi kur gong nga amula; amulâ sunumza he d’a hawad’a ad’umu.

Wana ni mbaktumba hi Job-pa 31:32

Akoina mi bur nga woi abu yam tu d’i, wani an mal vun agre’â woi mi ma tita.

Zla d’a d’ogolâ 25:17

Ar ang tit avo hi ndrangâ teteu ba, ang hlum hisâ hle ba, mi noyông ngi.