Ad’u Tinda 18:27 - Bible azumeina

²⁷ Abraham mi hulong dum ala: Gola! An ve tan ad’enga á de zlad’a ki ang Salana, an mala nandaga d’a gugud’upa ki butna na.

Ad’u Tinda 18:27 Referans Kwoze

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Wana ni Zla d’a Djivi d’a Luc mi b’irita 18:1

Jesus mi dazi zla d’a d’ogola á had’azi a tchen teteu bei tazi tchuk lus ba.

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Wana ni mbaktumba hi Job-pa 30:19

Alona mi gan ndei aduk dorbopma, an mbut ni d’igi andaga d’a gugud’upa ki butna na.

Wana ni mbaktumba hi Job-pa 4:19

mba mi fe tchod’a ata suma a nga kaka kur azì ma andagad’ina kal luo zu? Azi ni sumala a tcholï naduk andaga d’a gugud’upa suma a nga hazlazi woi d’igi ndjuvul ma gureina na na!

Ad’u Tinda 2:7

Ata yima Ma didina Alona mi min sana kandaga d’a gugud’upina, mi fom muzugam ma he arid’ina atchinamu, sa máma mi mbut sama arina.

Sawal la giled’a 144:3

Ma didina, sana ni nge ba, ang wum ge? sana goroma ni nge ba, ang djib’er kam ge?

Sawal la giled’a 8:4

Ata yima an gol akulod’ina, nala, sun nda ang lat kabonga, ata yima an gol tilâ ki tchitchiud’a suma ang tinizi sä akulonina,

Esdras 9:6

an tchenem ala: Alo mana, an nga kur tcha d’a tatad’a, an nga ki zulona á hle iran akulo á golongû, kayam tcho mamid’a ti kal ngola, ti kal akulo kamiya; tchila mamid’a ti i gak do hur alona.

Ad’u Tinda 18:28

Le ang fe suma d’ingêrâ dok fid’i yam vazlû ni, ang mba b’lak azì máma woi pet yam suma vahlâ zu? Ma didina mi hulong dum ala: Le an fe suma d’ingêrâ dok fid’i yam vazlû ni, an mba ni b’lagam mbei d’i.

Buzuk ka Abud’a 32:11

Wani Moise mi tchen Ma didina Alo mama ki hud’a, mi dum ala: Ma didina, ni kayam me ba, hurung zal ngola ata mang suma ang pad’azï woi kur ambas sa Ezipte-d’a kad’eng mang nga ngola ki sib’ik mangina ge?